“Namona be Haheauka ese Ena Gaukara Ia Hagugurua”
“Namona be haheauka ese ena gaukara ia hagugurua, unai amo do umui hegeregere momokani, bona gau ibounai do umui karaia namonamo, gau ta dekenai do umui dabu lasi.”—IAM. 1:4.
ANE: 135, 139
1, 2. (a) Gidiona bona tatau 300 edia haheauka karana amo dahaka ita dibaia? (Laulau ginigunana herevalaia.) (b) Luka 21:19 ena hereva hegeregerena, dahaka dainai ita haheauka be mai anina bada?
TUARI be ia auka momokani. Hahemaoro Tauna Gidiona ena hakaua henunai, hanuaboi ibounai Israela ena tuari taudia ese edia inai taudia—Midiana ena tuari taudia bona edia durua taudia—idia lulua, kilomita 32 ena daudau bamona! Ia vara gauna be Baibel ese ia gwauraia: “Gideona mai ena tatau 300 be Ioridane Sinavai dekenai idia ginidae, idia hanaia. Idia be manori momokani.” To, Gidiona bona ena tatau be idia do kwalimu lasi, badina tuari taudia 15,000 idia do noho. Midiana taudia ese lagani momo lalonai Israela taudia idia dagedage henia dainai, idia hesiku haraga lasi be namo. Unai dainai, edia inai taudia idia alaia ore totona, “idia ese Midiana taudia idia lulua noho” bona idia halusidia.—Gun. 7:22; 8:4, 10, 28.
2 Ita danu be tuari ta lalonai ita noho. Iseda inai taudia be Satani, ena tanobada, bona iseda goevadae lasi tauanina. Ita haida be lagani momo unai ita tuarilaia, bona Iehova ena heduru dainai, ita kwalimu. To, nega haida ita hesiku diba, badina nega Luka 21:19 duahia.) Haheauka be dahaka? Dahaka ese ita do ia durua ita haheauka totona? Idia haheauka taudia amo dahaka ita dibaia? Bona edena dala ai “haheauka ese ena gaukara ia hagugurua” diba?—Iam. 1:4.
daudau iseda inai taudia ita tuari henia, bona inai nega oromana ena dokona ita naria. Laloatao, ita be ita do kwalimu lasi. Iesu ia gwau, nega dokona ai idia noho taudia be hahetoho badadia do idia davaria, to bema idia haheauka, do idia kwalimu. (HAHEAUKA BE DAHAKA?
3. Haheauka karana be dahaka?
3 Baibel ai, haheauka be nega aukadia ai ita gini goada karana sibona ia herevalaia lasi. To, iseda lalohadai bona kudouna, o hahetoho ita hanaia dalana ia herevalaia danu. Ia haheauka tauna be ia boga-auka, ia gini goada, bona ia manau. Buka ta ia gwau, bema ita haheauka, hahetoho negadiai iseda helaro ita dogoatao auka noho diba. Bona hahetoho badadia ita davaria neganai, haheauka karana ese ita ia durua ita gini goada totona. Oibe, ita ia durua hahetoho badadia ita hanaia, iseda tahua gauna ita hagugurua, bona iseda hisihisi do ita laloa bada lasi.
4. Edena dala ai lalokau ese ita ia durua ita haheauka totona?
4 Lalokau ese ita ia durua ita haheauka totona. (1 Korinto 13:4, 7 duahia.) Iehova ita lalokau henia dainai, hisihisi idauidau ita haheaukalaia diba. (Luka 22:41, 42) Bona iseda tadikaka taihu ita lalokau henia dainai, edia kerere ita gwauatao. (1 Pet. 4:8) Danu, iseda adavana ita lalokau henia dainai, headava lalonai idia vara “hisihisi” idauidau ita haheaukalaia diba, unai ese headava maurina ia hagoadaia.—1 Kor. 7:28.
DAHAKA ESE OI DO IA DURUA OI HAHEAUKA TOTONA?
5. Dahaka dainai Iehova sibona ese ita ia durua diba ita haheauka totona?
5 Iehova ena heduru noia. Iehova be “haheauka bona goada ia henia Diravana.” (Roma 15:5) Ia sibona ese iseda hekwakwanai ia lalopararalaia diba, iseda noho dalana, hemami, bona ita ia karaia dalana danu. Unai dainai ia ese ita ia durua diba ita haheauka totona. Baibel ia gwau: “Ia dekenai idia gari taudia dekenai, idia ura henia gaudia ia henia noho. Edia taitai ia kamonai, bona ia ese idia ia hamauria noho.” (Sal. 145:19) To, edena dala ai Dirava ese iseda guriguri do ia haerelaia?
6. Baibel ia gwauhamata hegeregerena, edena dala ai Iehova ese “dala do ia kehoa”?
6 Korinto Ginigunana 10:13 duahia. Bema Iehova ena heduru ita noia hedibagani ta ita haheaukalaia totona, “ia ese dala do ia kehoa.” Anina be Iehova ese unai hedibagani be ita amo do ia kokia totona, a? Reana. To, nega momo ia ese dala ia kehoa “unai hedibagani [ita] haheaukalaia totona.” Oibe, Iehova ese ita ia hagoadaia, unai amo do ita “hesiku lasi bona do [ita] moale.” (Kol. 1:11) Iehova ia diba iseda goada, lalohadai bona hemami be mai hetoana, unai dainai dala do ia kehoa lasi iseda abidadama ia hadikaia diba hedibagani ta ita davaria totona.
7. Dahaka dainai Dirava ena hereva ita stadilaia be namo? Haheitalai gwauraia.
7 Dirava ena hereva ese emu abidadama ia hagoadaia diba. Mani inai oi laloa: Bema ta ia ura ororo badana ta ia daekau, ia ese dina toi o foa lalonai do ia ania aniani be dina tamona lalonai do ia ania. Unai hegeregerena, ita haheauka bona iseda tahua gaudia ita hagugurua totona, namona be hanaihanai Dirava ena hereva Ioa. 6:27.
ita stadilaia. Bona nega ita atoa sibona eda stadi bona hebou ita lao henia totona. Unai ese iseda abidadama do ia hagoadaia.—8, 9. (a) Iobu 2:4, 5 ena hereva hegeregerena, hedibagani negadiai, edena hepapahuahu do ita laloatao? (b) Hahetoho negadiai, dahaka do oi laloa?
8 Hepapahuahu badana laloatao. Bema Iehova ena hesiai tauna ta be hedibagani ia davaria, hisihisi do ia mamia. To unai sibona lasi. Bema ia hekwarahi unai hedibagani ia hanaia totona, ia hahedinaraia ia ese Iehova ena lohia siahuna ia abia isi. Iehova ena lohia siahuna ia inai henia tauna, Satani, be Iehova dekenai ia gwau: “Tau ta ese iena gau ibounai do ia negea, iena mauri do ia dogoatao totona. To harihari oi ese iena tauanina do oi hadikaia. Bema inai bamona oi karaia neganai, Iobu ese oiemu ladana do ia hadikaia momokani!” (Iobu 2:4, 5) Satani ia gwau lalokau dainai ta be Iehova ia hesiai henia diba lasi. Unai hereva ia gwauraia negana amo Satani ese ena kara ia haidaua, a? Lasi! Lagani momo murinai, guba amo ia idia negea diho neganai, ia idia gwauraia “iseda tadikaka ia samania tauna . . . ese iseda Dirava vairanai dina bona hanuaboi idia ia samania!” (Apok. 12:10) Satani ese ia vara hepapahuahu badana ia laloaboio lasi. Ia ura hedibagani dekenai ita moru bona Dirava ena lohia siahuna ita dadaraia.
9 Unai dainai, hedibagani oi davaria neganai, inai oi laloa. Satani bona ena demoni be kahana ta ai idia noho bona oi idia itaia noho, idia gwau oi be do oi gini goada lasi. To kahana ma ta ai, Iehova, iseda King Iesu Keriso, idia toreisi lou horoa taudia, bona aneru momo herea idia noho. Idia ese oi idia hagoadaia noho bona idia moale, badina oi be oi haheauka bona Iehova ena lohia siahuna oi abia isi. Bena Iehova ena gadona oi kamonai, ia gwau: “Egu natuna e, do oi aonega, vadaeni do lau moale, bona unai dainai, bema tau ta ese lau ia gwauraia kerere neganai, lau ese iena hereva do lau halusia diba.”—Aon. 27:11.
10. Edena dala ai Iesu do oi tohotohoa?
10 Do oi abia hahenamo laloa. Mani oi laloa, oi be gabu ta dekenai oi lao noho bona unai gabu oi ginidae totona, oi be hanuaboi ibounai do oi raka. Gabu ibounai be ia dibura. To oi diba kahirakahira daba do ia rere, bona bema oi raka noho oi lao henia gabuna ai do oi ginidae. Iseda mauri ai nega haida hekwakwanai ita davaria neganai, ita mamia ita be dibura ai ita noho bamona. Iesu danu be unai ia mamia. Kara dika taudia ese ia idia hereva dika henia, idia hevasehalaia, bona “hisihisi auna” ai idia tauadae. Ia mamia ia be dibura ai ia noho bamona! To Iesu ese unai ibounai ia haheaukalaia, badina “iena vairanai ia noho moalena” ia laloa. (Heb. 12:2, 3) Oibe, Iesu ese iena haheauka karana amo do ia abia hahenamo ia laloa. Iena kara dainai, ia ese Dirava ena ladana ia hahelagaia bona ena lohia siahuna ia abia isi. Ia diba unai dibura negana be do ia noho daudau lasi, to guba ai do ia abia hahenamo be do ia noho hanaihanai. Reana hari oi davaria hahetoho dainai oi lalometau. To laloatao, mauri ia lao henia dalana dekenai oi davaria hedibaganidia be kahirakahira do idia ore.
“IDIA HAHEAUKA TAUDIA”
11. “Idia haheauka taudia”amo dahaka ita dibaia?
11 Oi laloa lasi oi sibona oi haheauka noho. Aposetolo Petero ese Keristani taudia ia hagoadaia, ia gwau: “[Satani] umui tuari henia totona, mai abidadama goadana 1 Pet. 5:9) “Idia haheauka taudia” edia haheitalai ese ita ia durua, ita gini goada totona, badina ita diba do ita kwalimu, bona iseda abidadama dainai hahenamo do ita abia. (Iam. 5:11) Mani haheitalai haida ita herevalaia. [1]
ida do umui gini. Umui diba, emui tadikaka oreana tanobada hegegemadai danu be unai bamona hisihisi idauidau idia haheaukalaia noho.” (12. Eden umana ai idia gini kerubi edia kara amo dahaka ita dibaia?
12 Kerubi anerudia. Taunimanima dekenai idia hedinarai aneru ginigunadia edia kara ese ita do ia durua danu. Iehova ese “Eden uma gabu ena dina ia daekau kahana dekenai kerubi aneru ia haginidia, uma gabu gimaia totona. Bona lahi kaia danu ia atoa. Unai kaia be ia giroagiroa kahana ibounai dekenai. Inai aneru bona kaia ese mauri auna dekenai lao dalana ia koua momokani.” [2] (Gen. 3:24) Iehova ese aneru ia karadia neganai, idia dekenai unai gaukara ia henia lasi! Momokani, taunimanima idia kara dika bona gwau-edeede be Iehova ena ura lasi. To, Baibel ia gwau lasi unai kerubi anerudia be idia abia gaukarana dainai idia maumau. Idia be idia hesiku lasi bona edia gaukara idia rakatania lasi. To mai haheauka ida idia gaukara ela bona edia gaukara ia ore, reana unai be Abata ena nega ai, lagani 1,600 mai kahana murinai!
13. Dahaka ese Iobu ia durua dainai, ena hahetoho ia haheaukalaia?
13 Bese kwarana Iobu. Bema emu turana o famili tauna ta ena hereva dainai oi lalometau, eiava oi gorere bada, eiava emu lalokau tauna ia mase dainai oi lalohisihisi, Iobu ena haheitalai ese oi ia durua diba. (Iobu 1:18, 19; 2:7, 9; 19:1-3) Ena be Iobu ia diba lasi dahaka dainai hahetoho ia davaria, to ia haheauka. Dahaka dainai? Badina “Dirava dekenai ia gari.” (Iobu 1:1) Iobu ia ura nega namodia ai bona nega dikadia ai Iehova ia hamoalea. Dirava ena heduru amo, Iobu ese Iehova ena lauma helaga amo ia havaraia vadaeni gau namodia haida ia laloa. Unai dainai ia abia dae momokani Iehova ese ena nega korikori ai iena hahetoho do ia haorea. (Iobu 42:1, 2) Bona unai ia vara. “Lohiabada ese Iobu dekenai kohu momo ma ia henia lou. Lohiabada ese Iobu ena kohu gunana ia habadaia ela bona nega rua.” Iobu be “tau buruka, iena mauri lagani be momo herea.”—Iobu 42:10, 17.
14. Edena dala ai Paulo ena haheauka karana ese ma haida ia durua?
14 Aposetolo Paulo. Tomadiho momokani 2 Kor. 11:23-29) To, ia hesiku lasi, bona ena haheitalai ese ma haida ia hagoadaia. (2 Korinto 1:6 duahia.) Laloatao, emu haheauka karana amo ma haida oi hagoadaia diba.
idia inai henia taudia ese oi idia dagedage henia noho, a? Kongrigeisen lalonai oi be elda o sekit naria tauna ta, a? Bona oi mamia oi huaia maduna be ia metau, a? Paulo ena haheitalai mani oi laloa. Dagedage taudia amo hahetoho momo ia davaria, bona kongrigeisen tadikaka taihu dainai ia laloa momo. (“HAHEAUKA ESE ENA GAUKARA IA HAGUGURUA”
15, 16. (a) Haheauka ese edena “gaukara” ia hagugurua? (b) “Haheauka ese ena gaukara ia hagugurua” daladia haida gwauraia.
15 Iamesi ia gwau: “Namona be haheauka ese ena gaukara ia hagugurua.” Haheauka ese edena “gaukara” do ia hagugurua? Ita ia durua, unai amo ‘gau ibounai do ita karaia namonamo, gau ta dekenai do ita dabu lasi.’ (Iam. 1:4) Nega momo hahetoho ese iseda manoka gaudia ia hahedinaraia. Unai dainai bema ita haheauka, iseda Keristani kara namodia ia hagoadaia diba. Hegeregere, do ita boga-auka, moale, bona hebogahisi do ita hahedinaraia.
Ita haheauka neganai, iseda Keristani kara ita hanamoa (Paragraf 15, 16 itaia)
16 Haheauka karana ese ita ia durua Keristani tauna namona ai ita lao totona, unai dainai namo lasi Baibel ena hakaua herevadia ita utua, badina ita ura hahetoho ta ita hanaia. Hegeregere, edena dala ai lalohadai dikadia do oi koua? Namo lasi unai tarapu lalonai oi moru, to mai guriguri ida unai ura dikana oi dadaraia. Unai dala amo sibona oi biagua diba. Emu famili lalonai ta ese oi ia dagedage henia noho, a? Oi gini goada bona mai kudouna ibounai ida Iehova oi tomadiho henia. Unai amo emu abidadama Iehova dekenai do ia goada. Laloatao: Dirava ena lalonamo ita abia totona, ita haheauka be namo.—Roma 5:3-5; Iam. 1:12.
17, 18. (a) Dahaka dainai ita haheauka ela bona dokona be namo? Haheitalai gwauraia. (b) Dokona ia kahirakahira dainai, dahaka ita abia dae momokani?
17 Namona be ita haheauka ela bona dokona. Ia mutu noho bouti mani oi laloa. Pasendia idia roho mauri totona, kone dekenai idia nahu lao be namo. Ia nahu to ia hesiku tauna be do ia maloa. Unai hegeregerena, namona be ita haheauka ela bona tanobada matamata, bena do ita mauri. Aposetolo Paulo bamona, do ita gwau: “Ai hesiku lasi.”—2 Kor. 4:1, 16.
18 Ita diba momokani Iehova ese ita do ia durua ela bona dokona. Roma 8:37-39 ai, Paulo ia gwau: “Ai ia lalokau henia tauna dainai, . . . ai be ai kwalimu momokani. Badina lau diba momokani, mase eiava mauri, eiava aneru, eiava gavamani taudia, eiava hari idia noho gaudia, eiava gabeai do idia mai gaudia, eiava siahu gaudia, eiava ataiai gaudia, eiava dobu gaudia, eiava Dirava ese ia havaraia gaudia ma haida, unai gaudia ibounai ese ita be Dirava ena lalokau, Keriso Iesu iseda Lohiabada lalonai ia noho gauna amo, ita ia hapararaia diba lasi.” Momokani nega haida do ita hesiku. To namona be ita haheauka ela bona dokona, Gideona bona ena tatau hegeregerena.—Gun. 8:4.
^ [1] (paragraf 11) Dirava ena taunimanima edia haheauka sivaraidia ese oi do idia hagoadaia danu. Hegeregere, lagani 1992, 1999, bona 2008 ena Yearbook ai iseda tadikaka bona taihu Ethiopia, Malawi, bona Russia ai edia ripoti idia noho.
^ [2] (paragraf 12) Baibel ia gwau lasi kerubi hida be unai gaukara idia karaia.