Gima Kohorona matamatadia oi duahia vadaeni, a? Henunai idia noho henanadai mani oi haerelaidia:

Idau tano amo idia mai tama sina ese edia natudia idia durua neganai, dahaka dainai idia gaukaralaia gado idia laloa be namo?

Reana emu natudia be sikuli ai o ma haida amo gado matamata do idia dibaia. Emu natuna be gado momo ia dibaia be mai ena namo. Danu, tama sina ese edia natudia edia abidadama idia hagoadaia dalana idia laloa be namo. Idia be unai tano ena gado kongrigeisen o edia gado kongrigeisen dekenai do idia lao. Keristani tama sina be edia natudia edia namo idia atoa guna be namo.​—w17.05, rau 9-11.

Iesu ese Petero ia nanadaia: “Lau eiava inai gwarume oi lalokau henia bada?” Ena hereva ena anina be dahaka? (Ioa. 21:15)

Iesu ia mase murinai, Petero be ena gaukara gunana dekenai ia giroa​—haoda gaukara unai. Namona be Keristani taudia ese edia moni gaukara idia lalohadailaia namonamo.​—w17.05, rau 22-23.

Dahaka dainai Aberahamo ia gwau iena adavana be iena taihuna? (Gen. 12:10-13)

Momokani, Sara be Aberahamo ena taihuna. Bema Sara ia gwau ia be Aberahamo ena adavana, reana Aberahamo do idia hamasea bona Dirava ese ia gwauhamatalaia natuna do ia havaraia lasi.​—⁠wp17.3, rau 14-15.

Keristani taudia be ma haida amo sibona idia gimaia totona ipidi ta idia abia be maoro, a?

Dirava dekenai mauri be helaga. Danu, Iesu ese ena murinai idia raka taudia ia hamaoroa lasi kaia do idia abia sibona idia gimaia totona. (Luka 22:36, 38) Namona be iseda tuari kaia be hama amo ita botaia bona tano geia auridia ai ita halaodia. Iseda mauri be kohu ia hereaia. Ma haida edia lalomamina ita matauraia, bona haheitalai namona ita hahedinaraia. (2 Kor. 4:2)​—⁠w17.07, rau 31-32.

Dahaka dainai Mataio ese Iesu ena mauri sivaraina ia gwauraia dalana be Luka ena amo ia idau?

Mataio ese Iosepa dekenai idia vara gaudia ia herevalaia. Hegeregere, Iosepa ese Maria ena rogorogo sivaraina ia kamonai neganai ia karaia karana, bona nihi ta ai aneru ese ia hamaoroa Aigupito dekenai do ia heau lao. Luka be Maria ia herevalaia momo. Hegeregere, Maria be ena varavara Elisabeta ia vadivadi henia, bona Iesu be dubu helaga dekenai ia noho neganai, ia karaia karana.​—⁠w17.08, rau 32.

Edena dala ai Baibel be ia gini noho?

Nega ia hanaia lalonai Baibel lalonai idia noho hereva haida edia anina be ia idau. Politikol dalanai gau haida idia idau dainai gado ia idau danu. Unai ese taunimanima edia gado ai Baibel hahanaia karana ia koua.​—w17.09, rau 19-21.

Lalokau hereadaena be dahaka?

Lalokau mai ena hakaua hereva maorodia (a ga’pe) be lalokau hereadaena. Unai lalokau be ma ta dekenai ita hahedinaraia diba, bona ma haida edia namo totona ita karaia gaudia amo unai ia hedinarai.​—⁠w17.10, rau 7.