Hahemaoro Taudia 11:30-40 duahia, unai amo Iepeta bona ena natuna kekeni ena sivarai amo gwauhamata badinaia karana dekenai diba do ita abia.

Badina siridia laloa. Abidadama Israela taudia be Iehova dekenai idia karaia gwauhamata be edena bamona idia laloa? (Num. 30:2) Edena dala ai Iepeta bona ena natuna kekeni idia hahedinaraia Iehova idia abidadama henia?—Hah. 11:9-11, 19-24, 36.

Diba ma haida abia. Iepeta be gwauhamata ia karaia neganai, ia be dahaka ia laloa? (w16.04 rau 7 par. 12) Iepeta bona ena natuna kekeni be dahaka gaudia idia dadaraia edia gwauhamata idia badinaia totona? (w16.04 rau 7-8 par. 14-16) Hari inai negai, Keristani taudia be dahaka gwauhamata idia karaia?—w17.04 rau 5-8 par. 10-19.

Sivarai amo dibaia gauna. Sibona oi nanadaia:

• ‘Dahaka ese lau ia durua diba egu gwauhamata lau badinaia totona?’ (w20.03 rau 13 par. 20)

• ‘Dahaka gaudia haida ita dadaraia diba Iehova ita hesiai henia totona?’

• ‘Dahaka ese lau do ia hagoadaia egu headava ena gwauhamata lau badinaia totona?’ (Mat. 19:5, 6; Efe. 5:28-33)