WEDNESDAY daba, January 24, 2018 ai, United States bona Canada Betele famili be mai moale ida hadibaia hereva ta idia kamonai: Tadikaka Kenneth Cook, Jr., be Iehova ena Witnes taudia edia Hakaua Oreana ena memba ta ai ia lao.

Tadikaka Cook be Pennsylvania, U.S.A. ai ia vara bona unuseniai ia tubu daekau. Haisikuli ai ia do gradueit lasi lalonai ena sikuli turana ta amo hereva momokani ia dibaia bona lagani 1980, June 7 ai ia bapatiso. Lagani 1982 September 1 ai regula painia gaukara ia karaia matamaia. Lagani rua lalonai painia gaukara ia karaia murinai, lagani 1984 October 12 ai ia idia boiria Betele gaukara Wallkill, New York dekenai ia karaia totona.

Lagani 25 lalonai, Tadikaka Cook be Printin dipatmen bona Betele ena Ofesi idauidau ai ia gaukara. Lagani 1996 ai Jamie ia adavaia bona idia ruaosi be Wallkill Betele ai idia gaukara. Lagani 2009 December ai, Tadikaka bona Taihu Cook be Watchtower Educational Center Patterson New York dekenai idia siaidia lao bona unuseniai Tadikaka Kenneth be Writing Correspondence Department ai ia gaukara. Lagani 2016 April ai, Tadikaka bona Taihu Cook be Wallkill betele amo idia siaidia, bona Brooklyn, New York dekenai idia lao. Hua faiv murinai, Brooklyn idia rakatania bona hedikwota Warwick, New York dekenai idia lao. Lagani 2017 January ai, Tadikaka Cook idia abia hidi, bona ia be Hakaua Oreana ena Toretore Komiti ena durua tauna ta ai ia lao.