Iehova be ‘Oi Ia Laloa Bada’
DAHAKA dainai oi abia dae unai hereva be momokani bona Iehova be oi ia laloa bada? Badina ta be Baibel ese unai ia gwauraia. Petero Ginigunana 5:7 ai, ia gwau: “Emui lalohekwarahi ibounai be ia dekenai umui negea, badina ia be umui ia laloa bada.”
TAUANINA DALANAI ITA IA NARIA
Iehova be hebogahisi bona hariharibada Diravana
Dirava ena kara be emu tura korikorina ese do ia hahedinaraia karadia hegeregerena. Tura korikoridia be ta ta dekenai hebogahisi bona hariharibada karana idia hahedinaraia. Ita itaia bamona, dina ta ta ai, Iehova ese taunimanima dekenai hebogahisi bona hariharibada karana ia hahedinaraia. Hegeregere: “Ia ese kara dika taudia bona kara namo taudia latanai dina ena diari ia henia noho. Bona medu danu be kara maoromaoro bona kara maoromaoro lasi taudia latanai ia siaia diho.” (Mat. 5:45) Dina bona medu ese dahaka namo idia havaraia? Unai gaudia rua dainai, Dirava amo ‘aniani momo ita abia bona iseda kudouna ia hamoalea.’ (Kara 14:17) Oibe, Iehova ia ura tanobada ese aniani momo ia havaraia, bona aniani sibona lasi, to gau ma haida ese ita idia hamoalea danu.
Vadaeni, dahaka dainai taunimanima momo idia hitolo? Badina taunimanima idia lohiaia taudia idia ura siahu bona moni bada idia abia, to idia ura lasi taunimanima edia mauri idia hanamoa. Kahirakahira, Dirava ese taunimanima edia mataganigani karadia do ia haorea. Unai ia karaia totona, ia ese taunimanima edia gavamani do ia kokia bona guba Basileiana do ia haginia, bona ena Natuna be do ia King. Unai nega ai, ta be Sal. 37:25) Unai ese ia hahedinaraia Dirava be ita ia laloa bada, ani?
do ia hitolo lasi. To hari, Dirava ese ena abidadama hesiai taudia ia naridia noho. (IEHOVA BE IA KARA AUKA LASI
Iehova be ia kara auka lasi to nega ia henia
Tura namona be oi dekenai ena nega bada do ia henia. Reana hora momo lalonai emui ura gaudia do umui herevalaia. Bona emu hekwakwanai bona lalohisihisi gaudia oi herevalaia neganai, ia be do ia kamonai namonamo. Iehova be unai bamona danu, a? Oibe! Ia be iseda guriguri ia kamonai. Unai dainai Baibel ese ita ia hagoadaia “guriguri [ita] hadokoa lasi” bona “nega ibounai do [ita] guriguri.”—Roma 12:12; 1 Tes. 5:17.
Iehova be hora hida ia atoa iseda guriguri ia kamonai totona? Baibel lalonai ia noho haheitalai ta ese unai do ia haerelaia. Iesu ese ena aposetolo taudia ia do abia hidi lasi neganai, ia be “hanuaboi ibounai lalonai Dirava ia guriguri henia.” (Luka 6:12) Unai guriguri ai, Iesu ese reana ena hahediba taudia ta ta edia ladana ia gwauraia, edia kara bona manoka gaudia, bona iena Tamana ena heduru ia noia idia ia abia hidi totona. Dina matamata ena diari ia hedinarai neganai, Iesu ia diba ia ese iena aposetolo taudia namodia ia abia hidi vadaeni. Iehova be ‘guriguri ia kamonai’ Diravana dainai, mai momokani ida ita gwauraia guriguri ibounai ia kamonai. (Sal. 65:2) Bema ta be ia lalohekwarahilaia gauna dainai hora momo ia guriguri, Iehova be unai hora ia duahia lasi.
ISEDA DIKA IA GWAUATAO
Iehova be dika ia gwauatao
Gwauatao karana dekenai, nega haida ia auka turana namona ese unai ia hahedinaraia totona. Ena be nega daudau idia hetura, to ia auka edia turana ena dika idia gwauatao dainai edia hetura karana idia hadokoa. Iehova be unai bamona lasi. Baibel ese ita ibounai ia hagoadaia ia do ita noia iseda dika ia gwauatao totona, badina ia ese iseda “dika do ia gwauatao momokani.” (Isa. 55:6, 7) Dahaka dainai Dirava be unai ia karaia?
Badina Dirava be ita ia lalokau henia. Ia ese tanobada ia lalokau henia bada dainai, ena Natuna, Iesu, ia henia, taunimanima be kara Ioa. 3:16) Unai mauri davalaia boubouna ese gau ma haida ia hagugurua danu. Hegeregere, Keriso ena boubou dainai, Dirava ese ia lalokau henia taudia edia dika ia gwauatao diba. Aposetolo Ioane ia gwau: “Dirava ese ena hereva ia badinaia bona ia be kara maoromaoro tauna dainai, bema iseda kara dika ita gwauraia hedinarai, do ia gwauatao.” (1 Ioa. 1:9) Iehova ena gwauatao karana dainai, taunimanima be ia ida edia hetura karana idia moalelaia diba bona unai ese ita ia hagoadaia.
dika amo ia hamauria totona. (BEMA OI NOIA OI DO IA DURUA
Iehova be bema ita noia ita do ia durua
Bema emu turana be heduru totona oi ia noia, ia do oi durua, ani? Iehova be unai ia karaia danu, a? Baibel ia gwau: “Unai tau [Dirava ena hesiai tauna ta] be do ia moru, to do ia diho momokani lasi, badina be Lohiabada ese, iena imana dekena amo do ia haginia lou.” (Sal. 37:24) Iehova ese dala idauidau ai iena hesiai taudia ia durua. Inai haheitalai be Caribbean ena motumotu ladana St. Croix amo.
Sikuli ai, kekeni matamata ta be pepe ia saluti lasi dainai, iena klas taudia ese ia idia kara auka henia. Heduru totona Iehova ia guriguri henia murinai, mai gari lasi ida ena klas taudia ia hereva henidia. Ia ese pepe saluti karana ia herevalaia. Ia ese Lauegu Baibel Sivarai Bukana amo Sataraka, Misaka, bona Abetenigo edia sivarai ia gwauraia. Ia gwau: “Iehova ese unai Heberu taudia toi ia gimadia, badina idia ura lasi kaivakuku ta idia tomadiho henia.” Bena unai buka be ena klas taudia dekenai ia hariharilaia. Bona stiuden taudia 11 be idia ura kopi ta ta idia abia. Unai kekeni ia laloparara Iehova ese ia dekenai goada bona aonega ia henia dainai, mai gari lasi ida ia hereva, unai dainai ia moale bada.
Bema oi laloa daradara, namona be Salamo 34:17-19; 55:22; bona 145:18, 19 oi duahia bona laloa dobu. Lagani momo lalonai Iehova idia hesiai henia taudia oi nanadaidia. Bona bema oi ura Dirava ese oi ia durua, ia dekenai oi guriguri. Bona do oi itaia Iehova “be oi ia laloa bada.”