Pablisa momo ese JW Library^® idia gaukaralaia hebou gaudia idia hegaegaelaia totona, bona idia moale badina idia noho link idia klik neganai, maoromaoro Gima Kohorona ena stadi atikol ta ta ia hedinarai. To Gima Kohorona ena stadi atikol lalonai atikol ma haida idia noho bona idia danu be Dirava amo idia mai hereva. Edena dala ai JW Library amo, inai atikol idauidau oi davaria bona idia amo heduru oi abia diba?

• Gima Kohorona stadi atikol ta ta ena dokona ai, inai hereva kwarana “Duahiduahi Gaudia Haida” do ia hedinarai. Unai hereve kwarana henunai, “Inai magasin lalonai idia noho atikol ma haida” ena link oi klik. Magasin ena anina kahana oi riviulaia, stadi atikol bona idia torea namba idia hedinarai namonamo dalana oi itaia. Magasina lalonai idia noho atikol haida dekenai, oi ura henia sinado ta oi klik bona oi duahia diba.

• JW Library ena Home tab “What’s New” ena kahana ai, Gima Kohorona matamata idia hedinarai bona idia ta ta oi daonloud diba. Oi daonloud magasin oi kehoa bona ena anina oi itaia, unai amo unai atikol idauidau ese oi do ia durua.