IESU ia gwau: “Henia kara ena moale be bada, to abia kara ena moale be maragi.” (Kara 20:35) Iehova tura henia karana ai unai hereva be mai anina bada. Dahaka dainai? Iehova ese ita ia hamoalea totona, harihari gaudia momo ita dekenai ia henia, to iseda moale ia habadaia gauna ta be Ia dekenai harihari gauna ta ita henia. Iehova dekenai dahaka harihari gauna ita henia diba? Aonega Herevadia 3:9 ia gwau: “Emu dava bada kohudia amo Iehova oi hanamoa.” Unai dava bada kohudia be iseda nega, diba, goada, bona kohu. Bema unai gaudia ita gaukaralaia tomadiho momokanina ita durua, ita be Iehova dekenai harihari gauna ta ita henia, bona unai ese moale bada ia havaraia diba.

Bema iseda kohu ita laloa neganai, dahaka ese ita do ia durua Iehova dekenai harihari gauna ta ita henia totona? Aposetolo Paulo be Korinto taudia ia hamaoroa kontribiusen totona ‘moni sisina do idia haboua.’ (1 Kor. 16:2) Emu gabu dekenai kontribiusen henia daladia haida oi diba totona dahaka oi karaia be namo? Henunai ia noho maua oi itaia.

Tano haida ai intanet amo kontribiusen idia henia diba lasi. To, kontribiusen oi henia diba daladia ma haida oi ura diba totona donate.pr418.com oi itaia diba. Tano haida ai, unai websait ai taunimanima momo ese kontribiusen totona idia henia henanadai edia haere ma haida idia noho.