Oi ura sibona emu stadi amo gau momo oi dibaia, a? Emu stadi lalonai, diba oi abia totona, inai dala haida oi tohoa:

• Gabu namona abia hidi. Namona be gabu ia goeva, bona diari ia noho, unai amo oi itaia eiava duahiduahi diba. Desk o teibolo dekenai oi helai diba, eiava murimuri ai gabu namona ta oi abia hidi.

• Sibona do oi noho gabuna oi abia hidi. Iesu be abia hidi ia karaia “daba momokani ai” “taunimanima lasi gabuna” dekenai ia lao bona guriguri. (Mar. 1:35) Bema oi hegeregere lasi sibona oi noho, emu ruma bese dekenai emu stadi ena sediual oi gwauraia bona idia oi noia unai nega lalonai oi idia disteb lasi.

• Oi do idia disteb gaudia oi dadaraia. Bema oi be stadi totona fon eiava tablet oi gaukaralaia, namona be alert o flight mode dekenai oi atoa, unai amo oi do ia disteb lasi. Bema emu stadi lalonai gau ta oi ura karaia, pepa dekenai oi torea, bena stadi murinai unai oi karaia diba. Bema stadi lalonai, gau momo ese emu laloparara karana ia koua, namona be oi lao raka loaloa eiava eksasais sisina.