“Do Oi Boga Auka . . . Gaukara Do Oi Hamatamaia”
“Do oi goada, do oi boga auka. Inai gaukara do oi hamatamaia, bona do oi gari lasi. . . . Badina be Dirava Lohiabada . . . be oi danu ia noho.”—1 SIV. 28:20.
ANE: 38, 34
1, 2. (a) Solomona be dahaka gaukara badana ia abia? (b) Dahaka dainai Davida be Solomona dainai ia lalohekwarahi?
IEHOVA ese Solomona ia abia hidi gaukara badana ta ia karaia totona. Oibe, ia ese Ierusalema ai dubu helaga haginia gaukarana do ia naria. Namona be unai dubu be mai “hairaina, bona mai ena sivarai badana tanobada ena kahana ibounai dekenai.” To mai anina bada gauna be ia be “Dirava Lohiabada ena Dubu Helaga.”—1 Siv. 22:1, 5, 9-11.
2 King Davida ia abia dae momokani Dirava ese ia do ia durua, to Solomona be “eregabe tauna sibona, bona gaukara dekenai ia do manada lasi.” Unai dainai ia be mai boga-auka ida dubu helaga haginia gaukarana do ia abia dae, a? Eiava do ia dadaraia, badina ia be eregabe bona gaukara dekenai ia manada lasi? Unai haginia gaukarana haorea totona, Solomona ia boga-auka bona gaukara ia hamatamaia be namo.
3. Solomona ese edena dala ai boga-auka karana ia dibaia?
3 Reana Solomona be ena tamana amo boga-auka karana ia dibaia. Davida ia matamata neganai, dagedage animal ese iena tamana 1 Sam. 17:34, 35) Danu, mai boga-auka ida tuari diba momo tauna badana vairanai ia gini. Oibe, Dirava ena heduru dainai, Davida ese nadi tamona amo Goliata ia hamasea.—1 Sam. 17:45, 49, 50.
ena mamoe idia abia lao dainai, idia ia heatu henia. (4. Dahaka dainai Solomona ia boga-auka be namo?
4 Hari ita diba Davida ese Solomona ia hagoadaia do ia boga-auka bona dubu helaga ia haginia be maoro! (1 Sivarai 28:20 duahia.) Bema Solomona ia boga-auka lasi, gari dainai ia abia gaukarana do ia hamatamaia lasi.
5. Dahaka dainai ita boga-auka be namo?
5 Solomona bamona, namona be Iehova ena heduru ita noia, unai amo mai boga-auka ida gaukara ita hagugurua diba. Idia boga-auka taudia haida mani ita laloa. Bona mai boga-auka ida iseda gaukara ita hagugurua dalana do ita laloa.
BOGA-AUKA IDIA HAHEDINARAIA TAUDIA
6. Iosepa ena boga-auka karana amo dahaka oi dibaia?
6 Potifara ena adavana ese Iosepa ia tohoa ia ida do ia mahuta hebou neganai, Iosepa ia boga-auka. Reana ia diba, bema Potifara ena adavana ia dadaraia, panisi do ia abia. To herevana dahaka, ia be mai boga-auka ida unai hahetoho ia dadaraia haraga.—Gen. 39:10, 12.
7. Rahaba ena boga-auka karana herevalaia. (Laulau ginigunana herevalaia.)
7 Rahaba danu be ia boga-auka. Israela ena spai taudia be ena ruma, Ieriko, dekenai idia lao neganai, reana gari dainai idia ia siaia giroa diba. To, ia be Iehova ia abidadama henia dainai, mai boga-auka ida unai tatau rua ia hunia bona ia durudia idia heau mauri totona. (Ios. 2:4, 5, 9, 12-16) Rahaba ia abia dae Iehova be Dirava momokanina, bona ia diba momokani Iehova ese Israela taudia dekenai tano do ia henia. Ia ese ma haida ia gari henia lasi, Ieriko ena king bona ena tatau danu. To mai boga-auka ida ia kara dainai, ia sibona bona ena famili ia hamauria.—Ios. 6:22, 23.
8. Edena dala ai Iesu ena boga-auka karana ese aposetolo taudia ia durua?
8 Iesu ena aposetolo taudia be idia boga-auka danu. Idia ese Iesu ena boga-auka karana idia itaia. (Mat. 8:28-32; Ioa. 2:13-17; 18:3-5) Unai ese idia ia durua idia boga-auka totona. Ena be Sadukea taudia ese idia dagedage henidia, to idia be Iesu ena ladanai idia do hadibaia noho.—Kara 5:17, 18, 27-29.
9. Edena dala ai 2 Timoteo 1:7 ese ita ia durua?
9 Iosepa, Rahaba, Iesu, bona aposetolo taudia be idia boga-auka dainai, gaukara namodia idia karaia. Idia be sibodia edia diba dainai idia boga-auka lasi, to badina Iehova dekenai idia tabekau. Unai hegeregerena, ita boga-auka totona, namona be Iehova dekenai ita tabekau, to sibona iseda diba dekenai lasi. (2 Timoteo 1:7 duahia.) Iseda famili bona kongrigeisen lalonai ita boga-auka danu be mai anina bada. Mani unai ita herevalaia.
HAHETOHO NEGADIAI ITA BOGA-AUKA
10. Dahaka dainai Keristani matamata taudia idia boga-auka be namo?
10 Nega idauidau ai Keristani matamata taudia idia boga-auka be namo, unai amo Iehova idia hesiai henia noho diba. Solomona ena haheitalai idia tohotohoa be namo, ia be mai boga-auka ida abia hidi maorodia ia karaia, unai dainai dubu helaga haginia gaukarana idia haorea. Ena be Keristani matamata taudia be edia tama sina edia hakaua herevadia idia badinaia be namo, to idia sibona ese mai anina bada abia hidi do idia karaia. (Aon. 27:11) Hegeregere, mai boga-auka ida inai abia hidi idia karaia diba: edia bamodia, moale karadia, kara goeva, bona bapatiso. Idia boga-auka be namo, badina idia be Satani, Dirava ia gwauraia dika tauna unai, ena ura idia dadaraia.
11, 12. (a) Edena dala ai Mose be haheitalai namona? (b) Edena dala ai matamata taudia ese Mose ena haheitalai idia tohotoho diba?
11 Matamata taudia ese do idia karaia mai anina bada abia hidi ma ta be edia tahua gaudia. Tano haida dekenai, momo ese matamata taudia idia doria edukeisen badana eiava moni gaukara namona ta idia tahua totona. To tano ma haida ai, moni ena hekwakwanai be bada dainai, matamata taudia idia laloa edia famili durua totona moni gaukara idia karaia be namo. Bema oi be unai bamona, Mose ena haheitalai oi laloa. Ia be Farao ena natuna kekeni ese ia naria dainai, reana ladana bada eiava taga tauna ai ia lao diba. Reana ena Aigupito ruma besena, tisa taudia, bona sisiba henia taudia ese ia idia doria danu! To, Mose be mai boga-auka ida tomadiho goevana ia badinaia. Ia ese Aigupito ena taga maurina ia rakatania murinai, Iehova dekenai ia tabekau. (Heb. 11:24-26) Unai dainai Iehova ese unai nega ai Mose ia hanamoa bona vaira negai danu.
12 Unai hegeregerena, bema matamata taudia ese edia mauri lalonai Dirava idia hesiai henia bona Basileia idia atoa guna, Iehova ese idia do ia hanamoa. Idia do ia durua edia famili edia dabu gaudia idia henia totona. Aposetolo edia negai, Timoteo be Dirava hesiai henia karana ia atoa guna, bona oi be unai oi karaia diba. *—Filipi 2:19-22 duahia.
Emu mauri ibounai lalonai do oi boga-auka, a? (Paragraf 13-17 itaia)
13. Edena dala ai taihu matamata ta be ena tahua gauna ia hagugurua?
13 Alabama, U.S.A. ai, taihu ta be Dirava ia hesiai henia totona ia boga-auka be namo. Ia gwau: “Lau tubu daekau neganai, lau hemarai momo. Kingdom Hall ai ta lau hereva henia lasi, bona lau diba lasi taudia edia iduara ai lau pidipidi be auka.” Iena tama sina bona kongrigeisen taudia edia heduru dainai, iena tahua gauna ia hagugurua, unai be regula painia gaukara. Taihu ia gwau: “Satani ena tanobada lalonai, edukeisen badana, ladana bada, moni, bona kohu momo abia karana be tahua gaudia namodia. To lau laloparara momo be unai tahua gaudia idia hagugurua lasi neganai, idia lalohisihisi. To lau moale bada badina Iehova lau hesiai henia, bona lau mamia egu hekwarahi be mai anina.”
14. Edena bamona negadiai tama sina idia boga-auka diba?
14 Keristani tama sina ese boga-auka idia hahedinaraia danu be namo. Hegeregere, reana emu bosi ese oi ia noia loulou hanuaboi ai eiava wikeni ai ovataim gaukara oi karaia totona. To, oi diba unai be emu ruma bese stadi, haroro gaukara, eiava Keristani heboudia ena nega. Namona be mai boga-auka ida emu bosi ena ura gauna oi dadaraia, bona emu natudia dekenai haheitalai namona oi hahedinaraia. Eiava reana kongrigeisen ai tama sina haida be edia natudia dekenai maoro idia henia gau haida idia karaia totona, to oi ura lasi emu natuna be unai ia karaia. Reana unai tama sina be unai oi karaia ena badina idia henanadailaia neganai, do oi boga-auka bona mai hemataurai ida ena badina do oi gwauraia, a?
15. Edena dala ai Salamo 37:25 bona Heberu 13:5 ese tama sina ia durua diba?
15 Ita hahedinaraia ita boga-auka, bema iseda natudia ita durua Dirava hesiai henia karana be edia tahua gauna ai idia halaoa bona idia hagugurua totona. Hegeregere, reana tama sina haida be idia ura lasi edia Salamo 37:25; Heberu 13:5 duahia.) Unai tama sina be idia boga-auka bona Iehova dekenai idia tabekau dainai, edia natuna idia durua Iehova idia hesiai henia totona.—1 Sam. 1:27, 28; 2 Tim. 3:14, 15.
natuna idia hagoadaia painia gaukara, pablisa momo lasi gabudiai haroro, Betele eiava konstraksen gaukara ia karaia totona. Reana idia laloa idia buruka neganai, edia natuna be do ia hegeregere lasi idia ia naria totona. To, aonega tama sina be idia boga-auka bona Iehova ena gwauhamata idia abidadama henia. (16. Tama sina haida be edena dala ai edia natudia idia durua, bona dahaka namo idia davaria?
16 United State ai, headava tau bona hahine ta be edia natudia idia hagoadaia Dirava hesiai henia karana idia laloa bada totona. Tau ia gwau: “Emai natudia idia do raka eiava hereva lasi neganai, idia dekenai painia gaukara bona kongrigeisen durua karana ena moale ai herevalaia. Hari unai be edia tahua gauna. Unai tahua gaudia idia atoa bona hagugurua karana ese idia ia durua Satani ena tanobada ena doria karadia idia dadaraia bona Iehova idia hesiai henia totona.” Tadikaka ta be mai ena natudia rua, ia gwau: “Tama sina momo be edia natudia idia hagoadaia, spot, moale karadia, bona edukeisen idia laloa bada totona. To, gau badana be iseda natudia ita durua tahua gaudia maorodia idia atoa totona, unai amo edia hetura karana Iehova ida be do ia dika lasi. Ai moale bada, badina emai natudia ese Iehova hesiai henia karana dekenai idia atoa tahua gaudia idia hagugurua bona idia ida ai gaukara hebou diba.” Momokani, unai bamona idia karaia tama sina be Dirava ese ia lalonamo henidia.
KONGRIGEISEN AI BOGA-AUKA HAHEDINARAIA
17. Kongrigeisen ai, edena dala ai boga-auka ita hahedinaraia diba?
17 Kongrigeisen ai ita boga-auka danu be namo. Hegeregere, elda taudia idia boga-auka be namo, bema hahemaoro idia karaia eiava medikol heduru dekenai hakaua herevadia idia henia. Elda taudia haida be dibura ruma taudia idia haroro henia. Singul
taihudia be edena bamona? Idia be edia hesiai gaukara idia habadaia diba, hegeregere painia gaukara, pablisa momo lasi gabuna dekenai idia lao, konstraksen gaukara, bona Basileia Evanelia Sikuli. Haida be Gilead Sikuli dekenai idia lao danu.18. Edena bamona negadiai, lo taihudia idia boga-auka be namo?
18 Kongrigeisen ai lo taihudia be hahenamo ta. Idia ita lalokau henia bada! Idia haida be idia buruka dainai, guna idia karaia hesiai gaukara be hari idia karaia lasi, to idia boga-auka bona gaukara idia hamatamaia diba. (Tito 2:3-5 duahia.) Hegeregere, taihu matamata ta ena dabua hahedokilaia karana dekenai lo taihu ese ia hereva henia neganai, ia boga-auka be namo. Lo taihu ese taihu matamata ia abia hidi dabuana dainai ia do ia gwau henia lasi, to do ia durua, unai amo ma haida do ia hahekwakwanaia lasi. (1 Tim. 2:9, 10) Unai ese namo bada do ia havaraia.
19. (a) Edena dala ai bapatiso tadikakadia be idia boga-auka diba? (b) Edena dala ai Filipi 2:13 bona 4:13 ese tadikaka ia durudia?
19 Bapatiso tadikakadia danu be mai boga-auka ida idia gaukara be namo. Mai ura bada ida hesiai tauna o elda maduna idia abia dae neganai, kongrigeisen be namo ia davaria. (1 Tim. 3:1) To haida be do idia ura lasi maduna ma haida idia abia. Reana tadikaka ta be guna kerere haida ia karaia, bona ia mamia ia hegeregere lasi hesiai tauna eiava elda maduna ia abia. Reana tadikaka ma ta be do ia laloa ia be maduna ta ia hagugurua diba lasi. Bema unai bamona oi mamia, Iehova ese oi dekenai boga-auka do ia henia. (Filipi 2:13; 4:13 duahia.) Laloatao, Mose danu be nega ta ia mamia ia hegeregere lasi ia abia asainmen do ia hagugurua. (Eso. 3:11) To, Iehova ese Mose ia durua, unai amo mai boga-auka ida ena asainmen ia hagugurua diba. Ia bapatiso tadikaka danu be ia boga-auka diba, bema guriguri amo Dirava ena heduru ia noia bona dina ta ta ai Baibel ia duahia. Idia boga-auka taudia edia sivarai oi laloa dobu diba danu. Bona mai manau ida elda taudia oi noidia diba oi idia treinia bona oi noho hegaegae heduru oi henia totona. Danu, bapatiso tadikaka ibounai ai hagoadaia do idia boga-auka bona idia gaukara goada kongrigeisen idia durua totona!
“DIRAVA, BE OI DANU IA NOHO”
20, 21. (a) Davida ese Solomona dekenai dahaka hagoadaia herevana ia henia? (b) Ita diba momokani dahaka do ia vara?
20 King Davida be Solomona ia hadibaia Iehova be ia danu do ia noho ela bona dubu helaga haginia gaukarana ia haorea. (1 Siv. 28:20) Iena tamana ena hereva ese ena lalona bona kudouna ia hagoadaia dainai, ena be ia eregabe bona gaukara dekenai ia manada lasi, to ena gaukara ia hagugurua. Ia boga-auka, gaukara ia karaia, bona Iehova ena heduru amo dubu helaga mai hairaina be lagani 7 mai kahana lalonai ia haorea.
21 Iehova ese Solomona ia durua hegeregerena, ia ese ita do ia durua, mai boga-auka ida iseda famili bona kongrigeisen ena gaukara ita hagugurua totona. (Isa. 41:10, 13) Mai boga-auka ida Iehova ita tomadiho henia neganai, ia ese ita do ia hanamoa, hari bona vaira negai danu. Unai dainai “do oi boga auka . . . gaukara do oi hamatamaia.”
^ par. 12 Heduru ma haida abia totona, inai atikol ladana “Lauma Dalanai Tahua Gaudia Gaukaralaia Emu Havaraia Tauna Hanamoa Totona,” Gima Kohorona June 1, 2005 gauna itaia.