Tama sina be mai edia gaukara badana, idia ese natudia dekenai Iehova do idia hadibaia. (Efe. 6:4) Tama sina durudia totona, Iehova ena orea ese tulu idauidau ia halasia. Edena dala ai unai gaudia amo emu natudia oi hadibaia diba?

• JW.ORG ai natudia totona, vidio bona toretore gaudia idauidau idia halasia. a Unai oi davaria totona, inai kahana dekenai oi lao, “Baibel Hahediba Herevadia” bena inai hereva “Natudia” o “Matamata Taudia.”

• Emu natudia do ia durua gaudia oi abia hidi. “Natudia” ena henunai, vidio, ane bona gaudia ma haida idia halasia, unai oi abia hidi diba emu natudia totona. Unai oi davaria totona, “Family Worship Projects” kahana dekenai oi lao.

• Nega oi atoa emu natudia ida unai gaudia umui herevalaia. Vidio o printaia gaudia oi henidia bona idia oi rakatania lasi. To umui herevalaia hebou, bona oi durudia edia hetura karana Iehova ida ia goada ia lao totona.