INAI HEHENI KARANA HADOKOA DALANA!
1 | Taunimanima Ibounai Oi Abia Dae
Baibel Ena Hahediba Hereva:
“Dirava be taunimanima edia toana ia laloa lasi, to bese ibounai lalonai ia idia gari henia bona kara maoromaoro idia karaia taudia be ia ese ia abia dae.”—KARA 10:34, 35.
Siri Ena Anina:
Iehova * Dirava be iseda hanua, toana, kopina ena kala o kastom ia laloa lasi. To, ia be mai anina bada gaudia, unai be iseda lalohadai bona ura gaudia ia itaia. Oibe, Baibel ia gwau: “Taunimanima ese ta ena toana sibona idia itaia, to Iehova ese kudouna ia itaia.”—1 Samuela 16:7.
Oi Karaia Diba Gauna:
Ena be taunimanima edia kudouna ai idia noho gaudia ita diba lasi, to Dirava ita tohotohoa diba bona ita abidia dae. Namona be taunimanima ta ta edia kara ita laloa, to orea ta bamona ita hahemaoro henidia lasi. Bema oi mamia oi be ma haida, reana bese o tano idau taudia dekenai lalohadai kereredia oi abia, namona be Dirava oi guriguri henia bona ena heduru oi noia unai lalohadai kereredia oi kokia totona. (Salamo 139:23, 24) Bema mai momokani ida Iehova oi noia taunimanima ibounai oi abia dae totona, emu guriguri do ia kamonai bona oi do ia durua.—1 Petero 3:12.
^ Iehova be Dirava ena ladana.—Salamo 83:18.
“Nega ta lau be kopi kurokuro tauna ta ena ruma ai mai maino ida ai aniani hebou lasi. Hari lau be tanobada hegegemadai tadikaka oreana lalonai lau noho.”—TITUS
Reana Inai Danu Oi Ura
NOGA!
Inai Heheni Karana—Unai Kara Oi Hahedinaraia, A?
Dahaka gaudia haida ese idia hahedinaraia diba ita be ma haida ita inai henia?
