Hariharibada Kekeni Maragina Ta

VANEGAI, Brazil dekenai mauri lagani nain kekeni maragina ta be sibona ese ia haboua monina ia haria kahana rua dekenai​—⁠48 kina bona 66 kina. Ia ese 48 kina be Kingdom Hall ena kontribusen maua dekenai ia udaia, kongrigeisen durua totona. Bona 66 kina be revareva ta ida Iehova ena Witnes taudia edia brens opesi dekenai ia siaia lao. Unai revareva lalonai ia gwau: “Lau ura inai moni lau siaia tanobada hegegemadai idia karaia haroro gaukarana durua totona. Lau ura tanobada hegegemadai tadikaka taihu momo lau durua, sivarai namona idia harorolaia totona. Inai kontribusen lau henia badina Iehova Dirava lau lalokau henia bada.”

Unai kekeni maragina be ena tama sina ese idia hadibaia, unai dala amo Basileia harorolaia gaukarana ia durua be mai anina bada. Danu, idia hadibaia ena ‘kohu amo Iehova ia hanamoa’ be namo. (Aon. 3:⁠9, BHğ) Unai kekeni maragina bamona, iseda gabu bona tanobada ibounai dekenai Basileia gaukara idauidau durua totona, iseda kontribusen moni ita henia be namo!