Gima Kohorona matamatadia oi duahia neganai oi moalelaidia, a? Henunai idia noho henanadai mani oi haerelaidia:

Samson ena goada be ena huina amo ia abia, a?

Samson be Nasiri tauna bona Iehova ia tura henia dainai ena goada ia bada; ena huina amo unai goada ia abia lasi. Ena huina ese ia bona Iehova huanai ia noho hetura karana namona ia laulaulaia. To, Delila ese Samson ena huina ia utua neganai, unai ese Samson ena hetura karana Iehova ida ia hadikaia.​—⁠4/15, rau 9.

Dahaka gaudia toi ese Baibel ia herevalaia kudouna idia durua diba?

(1) Aniani namodia. Iseda kudouna korikorina ia gaukara namonamo totona, aniani namodia ita ania be gau badana. Unai hegeregerena, iseda hesiai gaukara ita goadalaia totona, nega ibounai sibona eda stadi ita karaia, ita laloa dobu bona hebou dekenai ita lao be namo. (2) Eksasais. Baibel ese ia herevalaia kudouna ia goada totona, namona be ita haroro hanaihanai. (3) Tura namodia. Lalometau karana ita hanaia diba bema tadikaka taihu ita bamodia momo, badina idia be ita idia laloa bada.​—⁠4/15, rau 16.

Dahaka dainai Keristani tauna ta ena fineral ai tok ia henia tadikaka ese Salamo 116:15 (BHğ) ia gaukaralaia be maoro lasi?

Badina unai siri be tau tamona ena mase ia herevalaia lasi. To, ena anina be Dirava ese iena orea taudia ibounai ia lalokau henidia bada, bona ia ura lasi iena orea taudia do idia mase ore.​—⁠5/15, rau 22.

Unai kolpota taudia be daidia?

Lagani 1931 murinai inai ladana “kolpota” idia haidaua bona hari idia gwauraia “painia.”​—⁠5/15, rau 31.

Daniela 2:44 (BHğ) ese ia herevalaia “unai basileia ibounai” be daidia?

Unai siri be kaivakuku ese ia laulaulaia basileiadia sibona ia herevalaia.​—⁠6/15, rau 17.

Edena negai Anglo-America Basileia Badana be Baibel ese ia perovetalaia basileia badana namba 7 ai ia lao?

Tanobada Tuari Ginigunana ai unai ia vara. Badina unai neganai Tanobada Tuari Ginigunana ai, Britain bona United States be tura namodia ai idia lao, bona idia gaukara hebou idia inai henia politikol oreadia idia tuari henidia totona.​—⁠6/15, rau 19.