OLIVE auna ena toana be ia namo momokani lasi, ia be sida auna bamona lasi. To, olive auna be siahu bona keru negadiai ia mauri diba. Bona idia haida be lagani 1,000 lalonai idia mauri diba. Ena ramuna be bada herea dainai, herevana ena gabana amo idia utua to do ia tubu lou. To bema ena ramuna ia mase do ia tubu lou lasi.

Bese kwarana tauna Iobu ia diba ena be do ia mase, to do ia mauri lou. (Iobu 14:13-15) Ia abia dae Dirava ese mase amo do ia hatorea isi lou, unai haheitalaia totona ia ese au ta, reana olive auna, ia gaukaralaia. Iobu ia gwau: “Au be mai ena mauri dalana, ani? Do idia utua kwadogi, vadaeni ma ia tubu lou diba.” Bema medu be nega daudau murinai ia diho, idia utua olive auna ena badina amo rigi matamata do idia tubu lou, “ava ena anina matamata ia tubu bamona.”—Iobu 14:7-9.

Biru tauna ia ura bada idia utua olive auna do ia mauri lou hegeregerena, Iehova Dirava ia ura idia mase vadaeni hesiai taudia bona ma haida ia hatorea isi lou. (Mat. 22:31, 32; Ioa. 5:28, 29; Kara 24:15) Mase taudia idia toreisi lou bona mauri namona idia abia ita itaia neganai, do ita moale bada!