New World Translation Baibel Matamatana
LAGANI momo lalonai, New World Translation of the Holy Scriptures Baibel be nega momo idia hamatamataia, to lagani 2013 ai idia halasia Baibel matamatana be namo herea. Hegeregere, inai Baibel matamatana ena siri momo ai, hereva momo idia gaukaralaia lasi. Danu, Baibel ena hereva badadia haida idia haidaua bona hereva matamatadia idia atoa. Karoa haida edia toretore dalana idia haidaua bona ane hegeregerena idia torea, bona futnout idia gaukaralaia danu siri ena hereva ta ena anina hahedinaraia totona. Inai atikol ai ita ese Baibel matamatana ai idia haidaua gaudia haida do ita herevalaia.
Baibel ai edena hereva badadia idia haidaua? Stadi atikol iharuana ese ia hahedinaraia bamona, “Sheol,” “Hades,” bona “souli” edia gabu ai hereva matamatadia idia atoa. Baibel lalonai idia noho hereva ma haida dekenai unai bamona idia karaia danu.
Hegeregere, inai hereva “gwadaia” idia haidaua bona “au dekenai idia kokoa kau” idia torea. Unai amo Iesu idia hamasea dalana dekenai lalohadai maorona ita abia diba. (Mat. 20:19; 27:31) Bona inai hereva, “matabodaga karadia” idia haidaua bona “gwau-edeede hemarai karadia” idia torea, unai ese Grik gado herevana ena anina ia hahedinaraia namonamo. Danu, “kekero karana” idia haidaua bona “regerege bada pati karadia” idia torea, badina unai hereva be momo ese idia lalopararalaia. (Gal. 5:19-22) Danu, inai hereva “hebogahisi mai lalokauna” idia haidaua bona “noho hanaihanai lalokauna” idia torea. Unai ese “abidadama karana” ena anina ia hahedinaraia namonamo.
Danu, guna hereva tamona sibona idia gaukaralaia hereva ta ena anina idia hahedinaraia totona, to hari siri ta ta edia hereva hegeregerena hereva idauidau idia gaukaralaia. Hegeregere, inai Heberu herevana ʽoh·lamʹ idia hahanaia “ela bona hanaihanai,” be inai hereva “hanaihanai” ida ia hegeregere. Inai siri rua Salamo 90:2 bona Mika 5:2 ese unai idia hahedinaraia danu.
Heberu bona Grik gado amo idia hahanaia herevana “uhe” be Baibel ai ia hedinarai momo, unai Genese 3:15 ai danu. To hari momo be “bese” idia herevalaia neganai, inai hereva “uhe” idia gaukaralaia lasi, unai dainai Baibel matamatana ai, Genese 3:15 bona siri ma haida ai inai hereva “bese” idia gaukaralaia. (Gen. 22:17, 18; Apok. 12:17) To, siri ma haida ai unai hereva ena anina sibona idia hahanaia.
Dahaka dainai hereva momo idia haidaua? Baibel matamatana ena apendiks A1 ese ia hahedinaraia, Baibel hahanaia gaukara namona ese “lalohadai bona hereva edia anina maorona do idia hahedinaraia.” Toretore ginigunana ena hereva be gado ma ta ai idia hahanaia diba, bema momo ese idia lalopararalaia. Unai dala idia badinaia dainai, Apokalupo 2:23 ai inai hereva “kudouna lau tahua” be momo ese idia lalopararalaia. To unai siri tamona ai inai hereva “taunimanima edia nadinadi . . . lau tahua” be momo ese idia lalopararalaia lasi, unai dainai “nadinadi” idia haidaua bona “lalona” idia torea, unai ese toretore ginigunana ena anina ia hahedinaraia. Unai hegeregerena, Deuteronomi 32:14 ai inai hereva “witi ena nadinadi digarana” idia haidaua bona “witi namo hereana” idia gaukaralaia. Danu, inai hereva “egu udu bibina ena kopina idia utua lasi” idia haidaua bona “lau hereva namonamo lasi” idia gaukaralaia.
Dahaka dainai inai hereva “Israela ena natuna memero” bona “tamana lasi natuna memero” idia hahanaia “Israela taudia” bona “tamana lasi natudia”? Heberu gado herevana ese do ia hahedinaraia idia be mero eiava kekeni idia herevalaia. Hegeregere, siri haida ai inai hereva, “natuna memero,” be tatau bona hahine ia herevalaia diba danu. Unai dainai inai hereva “Israela ena natuna memero” idia haidaua bona “Israela taudia” idia torea.
Danu, New World Translation Baibel gunana ai, Genese 3:16 dekenai inai Heberu herevana idia hahanaia “natuna memero,” to Baibel matamatana ai “natudia” idia gaukaralaia. To, Esodo 22:24 ai unai hereva tamona idia hahanaia, idia gwau: “Emui natudia [Heberu ai, “natuna memero”] be tamana lasi.” Baibel ena siri ma haida ai unai dala idia badinaia dainai, “tamana lasi natuna memero” idia haidaua bona “tamana lasi natuna” o “tama sina lasi natuna” idia torea. (Deu. 10:18; Iobu 6:27) Unai be Greek Septuagint Baibel hegeregerena.
Dahaka dainai Heberu herevadia momo idia hamatamataia? Heberu gado ai, hereva rua idia gaukaralaia, ta be ia vara noho karana ia herevalaia, bona ma ta be gau ta ia vara vadaeni karana ia herevalaia. Unai dainai New World Translation Baibel gunana ese inai hereva “gau ta ia vara noho” o “ia do karaia noho” ia gaukaralaia, gau ta o kara ta ia vara noho karana hahedinaraia totona. * Danu, inai hereva “momokani,” “namona be,” bona “oibe” idia gaukaralaia, unai amo idia hahedinaraia gau ta o kara ta be ia vara vadaeni.
Baibel matamatana lalonai unai bamona herevadia idia gaukaralaia lasi, to nega ta ta sibona. Gen. 1:3) To, Genese 3:9 ai Iehova be nega momo Adamu ia hereva henia, unai dainai inai hereva “boiboi loulou” idia gaukaralaia. To, English herevadia be auka lasi dalanai idia hahanaia, unai amo ia vara karana sibona idia hahanaia. Unai ese ita do ia durua Heberu herevadia amo idia hahanaia herevadia ita lalopararalaia totona.
Hegeregere, Dirava ia gwau, “Diari ia vara be namo” neganai, ia be unai hereva ia gwauraia loulou lasi, unai dainai Baibel matamatana ai inai hereva, “Dirava ia gwau” idia gaukaralaia. (Idaunega toretore ai Baibel ena karoa momo be ane hegeregerena idia torea, bona hari danu unai idia karaia
Dahaka dainai karoa momo be ane hegeregerena idia torea? Guna Baibel idia torea taudia ese Baibel ena kahana momo be ane (poem) hegeregerena idia torea. Hari, ane torea taudia ese nega momo hereva ta idia gwauraia loulou, to Heberu gado ai be idau, idia ese lalohadai ta ta idia haboua tamona ane ta idia torea totona.
New World Translation Baibel gunana ai, Iobu bona Salamo bukana be siri hegeregerena idia torea, unai amo idia hahedinaraia guna unai buka edia siri be ane hegeregerena idia torea. Unai dala amo siri ena hereva idia laloatao diba. Baibel matamatana ai, Aonega Herevadia, Solomona Ena Ane, bona peroveta bukadia edia karoa momo be siri hegeregerena idia torea danu, unai amo idia hahedinaraia guna unai buka idia toredia neganai, idia be ane hegeregerena idia torea. Haheitalai ta be Isaia 24:2 ai ia noho, unai siri edia laini ta ta be idau, bona laini ta ta be hereva ta ta idia durua, unai amo idia hahedinaraia taunimanima ibounai be Dirava ese do ia hahemaoro henia. Baibel lalonai unai bamona siri ita itaia neganai, do ita diba Baibel idia torea taudia be hereva idia gwauraia loulou sibona lasi, to ane hegeregerena idia duahia, unai amo Dirava ena hereva idia hahedinaraia namonamo.
To nega momo Heberu toretoredia ai unai ia hedinarai goevagoeva lasi, unai dainai Baibel hahanaia taudia edia toretore be idauidau. Oibe, hahanaia taudia sibona ese idia abia hidi edena Baibel bukadia be ane hegeregerena idia torea. Baibel buka haida be ane hegeregerena idia torea, bona laulau herevadia idia gaukaralaia hereva ta ena anina idia hahedinaraia totona.
Baibel matamatana ena kahana matamata ta ena ladana be, Karoa Edia Hereva Badadia, ia be Baibel buka ta ta edia matamanai ia noho. Inai kahana ese ita do ia durua Solomona ena Ane idia torea dalana ita dibaia totona.
Maniuskrip gunadia ese edena dala ai Baibel matamatana idia durua? New World Translation Baibel gunana ena hereva be Heberu Masorete toretore bona Westcott bona Hort ese idia torea Grik toretoredia amo idia abia. Baibel maniuskrip gunadia stadilaia karana ese hahanaia taudia ia durua Baibel ena siri ta ta idia lalopararalaia totona. Mase Davara Lokua Toretoredia edia kopi amo heduru idia abia danu. Grik maniuskrip momo idia stadilaidia danu. Idia davaria gaudia be kompiuta ai idia atoa, unai amo ia auka lasi Heberu eiava Grik toretore maorodia idia abia hidi bona gaukaralaia diba. New World Bible Translation Committee be unai dala amo siri haida idia stadilaia namonamo, bona hereva matamata idia gaukaralaia diba.
Hegeregere, 2 Samuela 13:21 ena hereva be Greek Septuagint hegeregerena, ia gwau: “To ia ura lasi ena natuna Aminona ena lalona ia hahisia, badina ia be ena vara guna natuna bona ia lalokau henia.” New World Translation Baibel gunana lalonai unai hereva idia hahanaia lasi, badina unai hereva be Masorete toretoredia lalonai ia noho lasi. To Mase Davara Lokua Toretoredia lalonai unai hereva ia noho, unai dainai Baibel matamatana lalonai unai kahana idia torea hanai. Unai badina tamona dainai Baibel bukana Samuela Ginigunana lalonai Dirava ena ladana be nega 5 idia atoa lou. Grik toretoredia idia stadilaia namonamo dainai Mataio 21:29-31 ena hereva haida idia haidaua. Oibe, maniuskrip ai idia noho herevadia hegeregerena Baibel ena siri haida dekenai senisi idia karaia.
New World Translation Baibel matamatana ai unai gaudia haida idia senisia dainai, hari Baibel ita duahia neganai, ita lalopararalaia. Oibe, New World Translation Baibel matamatana be Dirava amo ita abia harihari gauna namo hereana.
^ par. 10 New World Translation of the Holy Scriptures