RAU 1 AMO | BAIBEL DUAHIDUAHI ESE OI DO IA DURUA
Edena Dala ai Duahiduahi Karana Oi Moalelaia Diba?
Oi hesikulaia,a? Eiava oi moalelaia? Baibel duahiduahi karana ese oi dekenai dahaka namo ia havaraia diba? Baibel duahiduahi karana be mai anina bada. Hari, dahaka do oi karaia diba emu Baibel duahiduahi urana oi habadaia bona moalelaia dalana do ita itaia.
Oi manadalaia gado ena Baibel gaukaralaia. Bema oi duahia gauna amo hekwakwanai momo oi davaria eiava guna idia gaukaralaia herevadia oi diba lasi, emu duahiduahi do oi moalelaia lasi. Namona be oi manadalaia gado ena Baibel oi gaukaralaia unai amo ena hereva do oi lalopararalaia bona mamia momokani. Danu namona be Baibel ena hereva idia stadilaia bona hahanaia namonamo. *
Inai nega ena teknoloji gaukaralaia. Hari, Baibel be idia printaia buka sibona ai ia noho lasi, to fon eiava tablet ai danu. Baibel haida be intanet amo oi duahia diba eiava sibona emu duahiduahi totona, kompuita, tablet, eiava mobael fon dekenai oi daonloud diba. Idia noho diba matamata be mai ena tulu haida bema oi ura unai topik amo gado haida edia Baibel oi sekea, haraga herea do oi davaria diba. Bema duahiduahi oi ura lasi, intanet ai idia rekodia Baibel oi daonloud bona kamonaia diba. Momo be idia rekodia Baibel duahiduahi idia moalelaia, hegeregere, pablik gabudia dekenai idia loaloa, dabua huria gabudia, eiava ma gabu haida ai. Reana oi dekenai ia hegeregere dala ta oi badinaia diba?
Baibel stadi ena tulu idauidau gaukaralaia. Baibel stadi ena tulu idauidau ese oi do ia durua diba emu duahiduahi oi moalelaia totona. Emu duahiduahi lalonai, Baibel tanodia edia mapu idia noho Bible Teachings” ena kahana ta, ese oi do ia durua Baibel ena anina momo kahadia do oi davaria diba.
unai ese oi ia durua oi duahia gabu ena ladana bona unai gabu ai idia vara sivarai be gabu maorona ai ia noho. Inai bamona stadi gaudia hegeregere, inai magasin eiava jw.org ena websait ena “Oi ura kahana oi abia hidi diba. Bema Baibel ibounai oi duahia totona oi hesiku, namona be oi ura henia kahana ta oi abia hidi bena unai ese emu duahiduahi ena ura do ia habadaia. Bema oi ura Baibel ese ia sivarailaia momo taudia edia kara oi dibaia, edia sivarai ia gwauraia bukana ai oi hamatamaia diba. Maua ladana “ Baibel Lalonai Idia Noho Taudia Dibaia Namonamo” ai, edia hamatamaia herevadia idia noho. O reana oi ura Baibel be edia topik ida eiava idia vara sivarai hegeregerena oi duahia diba. Idia gwauraia dala ta oi tohoa diba, a?
^ par. 4 Momo idia davaria New World Translation of the Holy Scriptures be ia maoromaoro, momokani, bona auka lasi oi duahia totona. Iehova ena Witnes taudia be unai Baibel idia karaia bona ia be gado 130 mai kahana ai idia halasia. Ena kopi ta be www.pr418.com ena website ai oi daonloud diba eiava JW Library app oi daonloud. Bema oi ura idia printaia kopi ta, Iehova ena Witnes taudia ese emu ruma dekenai idia mailaia diba.