Fon 28^te april aan, hon xtarke reen Rio Grande do Sul, am siit fon Brasil, iwerxwëmt. Es hot soo fiil kereent, tas neekst ti kanse xtete fon tiise rechyoon sin unich tëm waser keplip. Fiile xtroose un priike sin kaput kemacht kep, un fiile pletse hate khee elëktrisiteet mee. Weeche tas, waars aarich xweyer fer ti layt fon sayn rechyoon aus rayse. Ti autoriteete rechne tas mee wii 2.1 milyoone layt petrof kep sin. In tiise momënt, mee wii 125 layt sin noch net kefun kep, un heechstens 147 layt sin kextorep.

• Layter, 1 pruuter un 1 xwester (een ferhayrate pheyerche) sin kextorep

• 1.544 priiter muste fon sayn rechyoon aus rayse

• 2 hayser sin kans fernicht kep

• 155 hayser hon kroose xaate kriit

• 483 hayser hon kleene xaate kriit

• 3 Raych Saale hon kroose xaate kriit

• 10 Raych Saale hon kleene xaate kriit

• Een Umaniteer Hilef Komisyoon is in kesetst kep fer ti aarwayt uf phase woo hilef fer unser priiter kepe tuut. Etliche mitkliiter fon tiise komisyoon sin tsu te rechyoon kereest fer orkanisiire ti austeelung fon leepensmitel, un aach fer unser priiter in kaystlich aat ferxtërke.

• Ti sirkuyt superintentente un ti elteste fon te rechyoon tuun unser priiter helfe in ales was neetich is, un tuun aach tëne in kaystlich aat ferxtërke.

• Fiile familye fon Yeehoowa sayn Tsayer, woo woone in sichere pletse fons lant, tuun sayn hayser uf mache tas unser priiter woo aus rayse muste, khene tat fer een tsayt plaype.

Ti reen tuun noch iwerxwëmunge un fernichtunge tsu te rechyoon pringe. Torich tiise tsayt, wole mer peete tas Yeehoowa sol wayter tas “sicher plats in xweyere tsayte” sin fer unser priiter un xwestere in Brasil. (Psalm 37:39)