•   Eene is mee natiirlich un nëmt net lang tsayt fer een ëntxlus mache, xon te anere hot liipe eene kenaue plaan.

•   Eene is ruyche un mee fer sich, xon te anere is lustiche.

 Hot tayne man orer fraa een kewoonheet woo tich ayert? Ploos noo tas kuke khan net kuut sin fer ayre hayrat. In woerheet ti Piipel saat tas “tee woo wayter xpreche tuut iwich een selwiche sache, macht kuute fraaynte aus naner.” (Xpriiche 17:9)

 Awer tuu prauchst net lose tas een ayerlich kewoonheet propleeme pringt in tayn hayrat. Xtats tas, khanst tuu lërne tiise kewoonheet aan siin in een positiiw aat.

In tiise artikel

•  Ayerliche kewoonheete in een positiiw aat aan siin

•  Was etliche pheyerche saan

•  Frooche fer fertseele

 Tiise ayerliche kewoonheete fon tayne man orer fraa khene tsu tuun hon mit een kwaliteet woo tich kefalt. Kuk tray payxpiile:

 “Mayne man hot sich aan keweent soo lamsam sin. Tee mus lang hon fer etwas mache orer fer sich fërtich mache wën mer wole woo hin keen. Awer tas kuute is tas tee aach ketultich is, soo kaar mit mich! Als mool ayert mich tas tee soo lamsam is, awer tas is aach een teel woo ich aan iim liipe.” — Chelsea.

 “Mayn fraa pleent ales in yeete kleenichkheet. Tii xpiirt kërn tas se imer ti situatsyoon kontroliirt. Tas khan ayerlich sin. Awer wayl se soo acht kept aan kleenichkheete, ferkest se niks.” — Christopher.

 “Tas siit aus tas mayne man um kaar niks sich khimert, un tas ayert mich! Awer, tas waar ti tsaam aat wii eyer ales macht un sayne ketult, woo mich klaych kefal hot wii ich tee khëne kelërnt hon. Ich hon soo kërn tas tee foran tsaam un ketultich playpt soo kaar wën tee mit xwiirichkheete um keet.” — Danielle.

 Wii Chelsea, Christopher un Danielle kelërnt hon, ti xtarke un xwache phunkte fon iire man orer fraa sin oft ploos ti anert sayt fon te selwich kwaliteet. Soo wiis unmeechlich is tsurik lose ploos een sayt fon een nikel, khanst tuu aach net wech mache tas xlechte fon een kewoonheet oone ferliire was kuut is.

 Es is woer tas etliche kewoonheete khee kuut sayt hon. Tsum payxpiil, ti Piipel saat tas etliche layt ‘laycht wuutich wëre’. (Xpriiche 29:22) In tiise aat, mus te persoon sich aan xtrenge fer im xtich lose “ale sorte ketanke woo piter sin, peesheet, wuut, xraayeray un wërter woo xaate mache.” a (Ëfeser 4:31)

 Awer wën ti kewoonheet ploos tich ayert, nëm aan ti piiplix aanreet: “Tuut aych wayter naner aus hale . . . soo kaar wën yemant uersache hot fer sich keeche een aner peklaae.” (Koloser 3:13)

 Un noch, xtreng tich aan fer tich konsentriire aan ti positiiw sayt fon tiise kewoonheete. Im xtant waar tas woo tich kefalt hot aan tayne man orer fraa. Eene man woo Joseph heest, saat: “Ploos sich konsentriire aan een ayerlich kewoonheet is wii ploos acht kepe tsu ti xarf xpits fon een tyamant un khee acht kepe tsu sayne xeene klants.”

 Eyerst, yeete eene khan fer sich selepst tiise frooche antworte. Noochte, khent iir tswaay fertseele iwich ti antworte woo iir kep hot.

•   Mënst tuu tas een kewoonheet fon tayne man orer fraa tich soo ayert tas es khent propleem in te hayrat kepe? Was fer kewoonheet is tas?

•   Is tiise kewoonheet etwas xlimes orer ayert es tich ploos?

•   Hot tiise kewoonheet een positiiw sayt? Was fer een? Warom kefalt tich tiise positiiw sayt?