Kot sayn Raych tuut ti kanse mënxe rechiirunge ersetse, un tuut iwer ti kans eyert rechiire. (Tanyël 2:44; Apokalipsis 16:14) Wën tas pasiire tuut, Kot sayn Raych . . .

•   Tuut ti xlechte layt wech xafe, tii woo weeche sayn ekoiismus uns al xaate mache. “Awer ti xlechte wëre fon te eyert wech kexaft.”—Xpriiche 2:22.

•   Macht xlus mit ale kriiche. “[Kot] pringt ti kriiche uf te kans eyert tsum ën.”—Psalm 46:9.

•   Tuut sicherheet un raychtum tsu ti kans eyert pringe. “Tii tuun sich uner sayn traupe kriste un sayn fayche paam setse un nimant tuut tëne angst mache, wayl Yeehoowa fon te militeer hot tas kesaat.”—Mikeyas 4:4.

•   Tuut ti eyert in een paratiis mache. “Te tesërt un tas trokne lant fraye sich, un ti fertrokent epnung wërt froo sin un pliie wii te asafran.”—Isayas 35:1.

•   Kep fer yeete eene een kuut un nutslich aarwayt. “Mayn raus kesuuchtner tuun ti aarwayt fon sayn aychne hënt kans aus nutse. Tii tuun net umsonst xweyer xafe.”—Isayas 65:21-23.

•   Pringt ti krankheete aans ën. “Khee pewooner tuut saan: “Ich sin krank.”.’”—Isayas 33:24.

•   Wërt nimant mee alt. “Tëm sayn khërper sol kesunter wëre wii wën eyer yung waar; Eyer sol ti kraft fon sayn yunge taache tsurik kriin.”—Yoop 33:25.

•   Pringt ti toote noch mool aans leepe. “Ti tsayt is am khome wën al tii woo in te kreeper sin, tuun tëm sayn xtim [Yeesus] heere un raus khome.”—Yoohan 5:28, 29.