Tas is natiirlich angst fom toot hon, wayl ti Piipel saat tas tee unser faynt is. (1 Korinter 15:26) Tes weeche, mache mer was meechlich is fer unser leepe xitse. Awer, weeche liieray un awerklaape, sin etliche “iire leepe lang sklaawe” fon een ausferxeemte angst fom toot. (Hepreeyer 2:15) Ti woerheet iwich te toot wise, wërt tich helfe iwerkhome ti angst, woo khent ferxteere ti frooheet fom leepe. (Yoohan 8:32)

Ti woerheet iwich te toot

•   Ti toote sayn ketanke sin ferkang. (Psalm 146:4) Tuu prauchst khee angst hon tas tuu wërst layte orer ferkweelt wëre noom toot, wayl ti Piipel ferklaycht te toot mit een tiife xloof. (Psalm 13:3; Yoohan 11:11-14)

•   Ti toote khene khee xlechtes keeche uns mache. Soo kaar ti kropster faynte sin “kraftlos im toot”. (Xpriiche 21:16) Ti Piipel saat tas “sayn has un ayfersuuch sin ferkang”. (Eklesyastes 9:6)

•   Weer kextorep is eksistiirt net mee, awer te toot is net fer imer. Torich tas ufxtaye, wërt Kot ti toote tsurik tsum leepe pringe. (Yoohan 5:28, 29; Aphostele sayn Kexicht 24:15)

•   Kot ferxprecht tas es eene taach “kheen toot mee” kept. (Apokalipsis 21:4) Ti Piipel xprecht iwich tiise tsayt, too xteet: “Ti kerechte tuun ti eyert kriin, un tuun fer imer too truf woone”, un wëre kans fray sin fom angst fom toot. (Psalm 37:29)