Nee, ti Eyert wërt nii fernicht, ferprënt orer um ketrukt. Ti Piipel saat tas Kot ti Eyert kemacht hot fer tas ti mënxe solte too truf woone fer imer.

•   “Ti kerechte tuun ti eyert kriin, un tuun fer imer too truf woone.” (Psalm 37:29)

•   “[Kot] hot ti eyert uf sayn funtament kextelt; Tii wërt nii net fon sayn plats wech kehoolt.” (Psalm 104:5)

•   “Ti eyert playpt fer imer.” (Eklesyastes 1:4)

•   “Tee woo ti eyert kemacht hot, woo se fest in kextelt hot, woo se net umsonst kemacht hot, awer hot se kemacht fer pewoont se wëre.” (Isaiias 45:18)

 Kot wërt net lose tas ti mënxe tas leepe uf ti Eyert fernichte torich kriich, ti natuer fersaue orer uf anere aate. In woerheet, Kot wërt “fernichte tii woo ti eyert fernichte”. (Apokalipsis 11:18) Wii wërt tee tas mache?

 Wayl ti mënxliche rechiirunge net ti Eyert uf kephast kriin, wërt Kot se um truke um een perfekt rechiirung im himel. Tiise rechiirung is Kot sayn Raych. (Tanyël 2:44; Matheus 6:9, 10) Yeesus, Kot sayne Soon, wërt te kheenich sin in tiise Raych. (Isaiias 9:6, 7) Wii Yeesus hiir uf ti Eyert waar, hot eyer fiil wunere kemacht woo ketsaycht hon tas tee macht hot fer ti natuer kontroliire. (Markus 4:35-41) Wii kheenich im Kot sayn Raych, wërt Yeesus ti kans Eyert un aach tas weter kontroliire. Tee wërt in te ray xtele, orer nay mache, ales was neetich is tas ti Eyert een paratiis wërt, soo wii te Eetem kaate. (Matheus 19:28; Lukas 23:43)

 Nee. Tii woo too traan klaape hon net kenau ferxtan was in 2 Pheeter 3:7 xteet. Tat saat: “Te himel un ti eyert, woo yets sin, [sin] fer tas fayer kexpaart.” Kuk tswaay wichtiche phunkte woo uns helfe tiise wërter ferxteen:

1.   In ti Piipel, ti wërter “himel”, “eyert” un “fayer” khene unerxiitliche tinge petayte. Tsum payxpiil, Xeenesis 11:1 saat: “Ti kans eyert hat noch ploos een xprooch un ploos een krup fon wërter.” Hiir, tas wort “eyert” petayt ti mënxe woo in tiise tsayt keleept hon.

2.   Ti wërse woo foer 2 Pheeter 3:7 khome, tsayche was himel, eyert un fayer petayte. Ti wërse 5 un 6 ferklayche tas mit te Sintfluut fon Noee sayn taache. In ti Sintfluut, is een friirix welt fernicht woer. Awer ti Eyert is keplip. Ti “eyert” woo ti Sintfluut fernicht hot waar ti kewaltiche un xlechte mënxe. (Xeenesis 6:11) Tas hot aach te “himel” fernicht, woo petayt ti mënxe woo in tiise tsayt rechiirt hon. Soo sin ti xlechte layt fernicht woer, awer net ti Eyert. Noee un sayn familye sin am leepe keplip un hon ti Eyert pewoont noo te Sintfluut. (Xeenesis 8:15-18)

 Soo wii tas waser fon te Sintfluut, petayt tas “fayer” in 2 Pheeter 3:7 ti fernichtung fon te xlechte mënxe, net fon te Eyert. Kot ferxprecht een “naye himel un een nay eyert” un in tëne “tuut kerechtichkheet woone”. (2 Pheeter 3:13) Ti “nay eyert” sin ti mënxe woo in tiise tsayt wëre leepe. Tii wëre unich een “naye himel” sin, woo petayt een nay rechiirung. Tiise rechiirung is Kot sayn Raych woo wërt mache fon te Eyert een xeene paratiis. (Apokalipsis 21:1-4)