Kot hot uns een wuner xeen kexenk kep: ti kapasiteet fer aus sich selepst een ëntxlus mache. Soo, kontroliirt Kot net unser leepe un tas is aach net in foer raus kexrip woer. Kuk mool was ti Piipel in lërnt.

•   Kot hot ti mënxe kemacht noo sayn pilt. (Xeenesis 1:26) Anerste wii ti tiere, woo leepe noom instint, klayche meyer uns mit unser Kriatoer in te aat tas mer khene kwaliteete wii liip un kerechtichkheet tsayche. Un, soo wii tee, hon mer fraye wile.

•   Unser futuer hëngt aan, hauptseechlich, aan was mer raus suuche. Ti Piipel muut uns uf ‘tas leepe raus suuche torich Kot sayn xtim heere’, tas is, raus suuche sayn kesetse aan heere. (Teuteronoomyum 30:19, 20) Kot uns tas aan piite hët khee tswek, un weyer soo kaar xlechtichkheet, wën mer hëte khee fraye wile. Xtats uns tswinge mache was tee saat, tuut Kot uns liiplich aan reete: “Es weyer soo kuut wëns tuu aan mayn kesetse acht kepe teest! Tan teet tayn friit wii een flus wëre.” (Isayas 48:18)

•   Was uns pasiirt waar net in foer raus kexrip; meyer selepst khene raus suuche mache was richtich orer ferkheert is. Meyer mise uns aan xtrenge fer in etwas kuut foran khome. Ti Piipel saat: “Ales was tuu mache khanst, mach tas mit tayn kans kraft.” (Eklesyastes 9:10) Tii saat noch: “Tëm flaysicher sayn pleen kepe sicher kuute resultaate.” (Xpriiche 21:5)

 Te fraye wile is een wunerlich kexenk fon unser Kot, wayl soo khene mer raus suuche iim liipe mim ‘kanse hërts’. (Matheus 22:37)

 Sicher, lërnt ti Piipel in tas Kot te Ale Mechtiche is; nimant khan iim um hale. (Yoop 37:23; Isayas 40:26) Awer, tee penutst net sayn macht fer ales kontroliire. Tsum payxpiil, ti Piipel saat tas Kot hot sich ‘tsurik kehal’ keeche ti friirix Papiloon, een natsyoon woo een faynt fon sayn folek waar. (Isayas 42:14) Kraat soo, pis yets hin, hot tee fray kelos tii woo xlecht penutse iire fraye wile un mache ti anere xaate. Awer Kot wërt net fer imer tas soo lose. (Psalm 37:10, 11)