Ti Piipel muut uns uf fer fraywilich un mit een richtich uersach etwas ti anere kepe. Tii saat aach tas yemant etwas kepe is kuut net ploos fer tëm woo tas kriit, awer aach fer tëm woo tas kept. (Xpriiche 11:25; Lukas 6:38) Yeesus saat: “Kepe pringt mee frooheet wii se kriin.” (Aphostele sayn Kexicht 20:35)

•  Wën etwas kepe kefalt Kot

•  Wën etwas kepe net Kot kefalt

•  Etliche wërse iwich krooshërtslichkheet

 Tas kefalt Kot wën mer etwas fraywilich yemant kepe. Ti Piipel saat: “Yeete eene sol mache was eyer in sayn hërts pexlos hot, net keeche sayn wile orer ketswung, wayl Kot liipt weer mit frooheet kept.” (2 Korinter 9:7)

 Krooshërtslichkheet is een teel fon te “klaape” woo Kot aan nëmt. (Tyako 1:27, noote) Wën yemant hërtslich heleft eene woo in neetichkheet is, xaft tee mit Kot, un Kot siit tiise krooshërtslichkheet aan wii etwas woo keleent is fer iim. (Xpriiche 19:17) Ti Piipel saat tas Kot wërt tiise krooshërtsliche persoon peloone. (Lukas 14:12-14)

 Wën etwas kemacht wërt mit ekoiistixe uersache. Tsum payxpiil:

•   Fer tas ti anere tas siin sole. (Matheus 6:2)

•   Fer etwas tsurik kriin. (Lukas 14:12-14)

•   Fer sayn retung khaafe. (Psalm 49:6, 7)

 Wëns is fer xtitse etwas woo Kot net kefalt orer aan nëmt. Tsum payxpiil, tas weyer ferkheert yemant kelt kepe fer xpiile, troke orer alkohool penutse. (1 Korinter 6:9, 10; 2 Korinter 7:1) Tas weyer aach net richtich etwas kepe fer yemant woo khan sich selepst fersoriche, awer wil tas net mache. (2 Thesalooniker 3:10)

 Wën tas xteert etwas mache woo Kot xikt. Ti Piipel lërnt in tas te xëf fon te familye solt fer tëne soriche. (1 Timoteus 5:8) Tas weyer ferkheert wën tee teet soo fiil ti anere kepe tas es feele teet plaype fer sayn aychne familye. Yeesus hot kesaat tas tii woo net wolte sayn eltere fersoriche, wayl ales woo se hëte weyer een kexenk ferxproch fer Kot, weyere ferkheert. (Markus 7:9-13)