Yaa, wayl Kot wil tas ti layt sich samele sole fer iim aan peete. Ti Piipel saat: “Un wole mer uns eene mit te anere khimere fer uns naner uf muute fer liip tsayche un kuute aarwayte mache; un xtats noo lose uns fersamele.” — Hepreeyer 10:24, 25, noote

 Yeesus hot ketsaycht tas sayn tisipele teete sich samele in een orkanisiirt kemaynxaft wii tee saat: “Torich tas, tuun al wise tas teyer mayne tisipele sayt: wën teyer liip unich aych hot.” (Yoohan 13:35) Fer tiise liip tsayche, Yeesus sayn tisipele miste sich samele mit iire priiter im klaape. Tii teete sich reekelmeesich samele in kemaynte fer Kot aan peete. (1 Korinter 16:19) Mit samer, teete se een welts pruuterxaft wëre. — 1 Pheeter 2:17.

Ploos tsu een relichyoon keheere is net kenuuch

 Ti Piipel saat tas ti layt mise sich samele fer Kot aan peete. Awer ti lërnt net in tas eene mënx khan Kot kefale ploos wayl tee tsu een khërich keheert. Fer Kot kefale, mus te mënx sayn klaape in tëm sayn leepe wërke. Tsum payxpiil, ti Piipel saat: “Ti aat fon aanpeetung woo phuer un oone flek is, soo wii unser Kot un Fater iwer tas tenkt, is tas: tii woo khee eltere hon un ti witfraae in iire xwiirichkheete xitse, un sich oone flek fon te welt hale.” — Tyako 1:27, noote.