Kot khan ales siin. Tee khan aach mache was ëyer wil ekaal was fer plats. (Xpriiche 15:3; Hepreeyer 4:13) Awer ti Piipel lërnt net in tas Kot uf ale pletse orer in ale tinge in te selwich tsayt is. Ti Piipel saat tas Kot een persoon is un tas tee in een spesifix plats woont.

•  Wii is Kot? Kot is een kayst. (Yoohan 4:24) Ti mënxe khëne tee net siin. (Yoohan 1:18) Wën ti Piipel iwer Kot xpreche tuut, tsaycht se tas eyer in een spesifix plats woont. Ti Piipel xprecht nii tas Kot in ale pletse woont. (Isaiias 6:1, 2; Apokalipsis 4:2, 3, 8)

•  Woo is Kot sayn woon plats? Kot woont in een kaystlich plats, woo anerste is wii te fisik uniwersum woo meyer woone. Is uf tem kaystlich plats woo Kot ‘een woon plats hot, te himel’. (1te Kheeniche 8:30) Ti Piipel xprecht fon een mool woo ‘ti engele foer Yeehoowa a khom sin’. Tas tsaycht tas Kot in een spesifix plats woont. (Yoop 1:6)

Wën Kot net uf ale pletse is, khan eyer mich perseenlich uf phase?

 Ya. Kot khimert sich fiil mit yeete persoon. Opwool eyer aach in een kaystlich plats woont, Kot kept acht fer tii al woo tem sayn wile mache wole. Kot heleft tiise layt. (1te Kheeniche 8:39; 2te Kroonike 16:9) Kuk wii Yeehoowa tas mit sayn troye tiine macht.

•  Wëns tuu peete tuust: Yeehoowa khan tich aan te selwich tsayt, woos tuu peete tuust, heere. (2te Kroonike 18:31)

•  Wëns tuu tiifsinich pist: “Yeehoowa is ticht pay tene woo een ferprochne hërts hon, eyer ret tii woo een fertrikne kayst hon.” (Psalm 34:18)

•  Wëns tuu oriëntiirunge hon must: Yeehoowa ‘kept uns ferxtëntnis un tuut uns in lërne’ torich sayn wort, ti Piipel. (Psalm 32:8)

Was mëne ti layt iwer Kot in ale pletse sin

 Was mëne ti layt: Te Psalm 139:8 saat tas Kot in ale pletse is wayl te saat: “Wën ich tsum himel kengt, tat weyerst tuu; un wën ich mich im kraap leye teet, soo kaar tat weyerst tuu!”

 Was saat ti Piipel: Tiise wersikel tuut net xpreche tas Kot in ale pletse is. Te wersikel xprecht in een poesii aat, tas Yeehoowa uns helfe khan ekaal woo mer sin.