Ti Piipel saat tas Kot wil tas ti layt “sich fon te seksuaal imoraaliteet wech hale.” (1 Thesalooniker 4:3) In te Piipel, ti wërter “seksuaal imoraaliteet” hon aach se tuun mit atultëryo, homoseksualismus, un sëks tswixich eene man un een fraa woo net ferhayrat sin.

•  Warom tuut Kot sich khimere ep ti pheyerche ferhayrat sin orer net?

•  Was khene meyer saan iwer mitsamer woone eep sich hayrate fer siin ep ti tswaay mitsamer phase?

•  Wii khene meyer een froo hayrat hon?

•   Kot hot ti hayrat kemacht. Tee hot ti hayrat aan kefang wii Eyer te eyerste man un ti eyerst fraa mitsamer ketuun hot. (Xeenesis 2:22-24) Es waar net Kot sayn plaan tas eene man un een fraa mitsamer leepe teete awer net ferhayrat sin.

•   Kot wees was tas pestes fer ti mënxe is. Eyer wolt hon tas in te hayrat te man un ti fraa fer imer mitsamer plaype teete. Tas teet nuts fer al in ti familye pringe un ti kans familye xitse. Tenk aan een keweenlich ferklaychung: soo wii een faprikant oryentiirunge kept fer tas mepel richtich uf xtele, soo tuut Kot uns aach oryentiirunge kepe woo uns in lërne een froo familye hon. Weer Kot sayn kesetse aan heert, tuut imer kuut keen. (Isaiias 48:17, 18)

•   Sëks aus ti hayrat mache khan xlime konsekwënse pringe. Tsum payxpiil, een fraa khan xwanger kepe, aach wën tii tas net wil. Orer tii woo tas mache, khene seksuaale krankheete hon un aach emotsyonaale propleeme.

•   Kot hot te man un ti fraa kemacht tas se khiner khëne kriin torich te sëks. Tas leepe is haylich fer Kot. Tes weeche, khiner kriin is een weyertlich kexenk. Kot wil hon tas meyer weyert fer tiise kexenk kepe wën meyer respektiire was Eyer fer ti hayrat in kextelt hot. (Hepreeyer 13:4)

 Een froo hayrat hon halt sich net aan een tsayt mitsamer leepe eep sich hayrate, woo tas pheyerche sich ausnaner mache khan wën se wole. Im keeche teel, fer froo mitsamer leepe, te man un ti fraa mise pextimt sin sich eene aan ti anere fest hale un mitsamer xafe fer ti propleeme triwer wech khome. a Ti hayrat xtërkt tiise inlasung. (Matheus 19:6)

 Is khee hayrat woo perfekt is. Awer ti pheyerche khene een froo hayrat hon wën se ti aanreete fon ti Piipel noo keen. Kuk etliche payxpiile:

•   Tuu ti neetichkheete fon tayn man orer fraa foer tayne tuun. (1 Korinter 7:3-5; Filiper 2:3, 4)

•   Tsaycht liip un respekt eene tsu te anere. (Ëfeser 5:25, 33)

•   Lërn se tenke eep was xpreche. (Xpriiche 12:18)

•   Say ketultich un fërtich fer se fertsaye. (Koloser 3:13, 14)