Meecht Kot ti ewolutsyoon penutst hon fer unerxiitliche kriatuer mache?
Ti antwort fon te Piipel
Nee. Ti Piipel tsaycht kans taytlich tas Kot te mënx un fiil unerxiitliche “sorte” tiere un plantse kemacht hot. a (Xeenesis 1:12, 21, 25, 27; Apokalipsis 4:11) Tii saat aach tas ale mënxe ap xtame fon Ataam un Ewa, unser eyerste eltere. (Xeenesis 3:20; 4:1) Was ti Piipel saat xtitst net ti itee tas Kot ti ewolutsyoon penutst hot fer unerxiitliche leepentiche kriatuere un plantse mache. Tiise itee is pekhant wii teistix ewolutsyonismus. Awer, ti Piipel xtimt mit was ti syentiste saan tas es fiil unerxiit kept unich een selwich sort. b
Was tuun etliche klaape?
Ti layt woo klaape tas Kot ti ewolutsyoon penutst hot fer fiile sorte leepentiche kriatuer un plantse mache hon fiil unerxiitliche itee fer aus leyer wii tas pasiirt is. Soo wii ti Enciclopédia Britânica saat, c te teistix ewolutsyoonismus klaapt tas “natiirlich selektsyoon is een aat woo Kot penuts fer ti natuer lënke.”
Te teistix ewolutsyoonismus pringt noch tiise itee:
Ale leepentiche orkaniismus khome fon eene friirix eensliche orkaniismus.
Een sort khan ewoluiire un een kans anert sort wëre. Tas is kenënt wii kroos ewolutsyoon.
Uf een orer anert aat, tuut Kot tiise prosës kontroliire.
Xtitst ti Piipel ti ewolutsyoon?
Te teistixe ewolutsyonismus kept tsum ferxteen tas was in Xeenises xteet iwich ti kriatsyoon is net kenau. Awer Yeesus hat iwich Xeenises kexprooch wii een kexicht woo mer traue khene. (Xeenesis 1:26, 27; 2:18-24; Matheus 19:4-6) Ti Piipel saat, tas eep Yeesus uf ti Eyert khom is, hot tee im himel keleept un hot Kot keholof “ale tinge mache”. (Yoohan 1:3) Tan, ti itee tas Kot ti ewolutsyoon penutst hot fer ale sorte leepentiche kriatuer un plantse mache xtimt net mit ti Piipel.
Mecht ti tiere un plantse sayn apiliteet fer sich keweene aan unerxitliche situatsyoone fer iwerleepe ti ewolutsyoon pewayse?
Ti Piipel leet net aus wii fiil unerxiitlichkheet khan pasiire in een selwich “sort”. Ti Piipel xtrayt net aap tas unerxitliche plantse un tiere woo Kot kemacht hot sich ferënere khene wën se sich fermeere orer wën se sich keweene am plats woo se leepe. Etliche saan tas weyer ewolutsyoon, awer tiise ferënerunge khene net mache tas een nay sort lepeentich kriatuer orer plantse tsum foerxayn khomt.
a Noote: In te Piipel, tas wort “sort” petayt een fiil kreese krup fon tiere un plantse wii tas wort “sort” woo ti syentiste penutse. Als mool wën ti syentiste saan tas een sort ewoluiirt is fon een anert, was wërklich pasiirt is waar nuer een ferënerung in te selwich “sort”, soo wii tas wort woo penutst is in Xeenesis petayt.
b Tas is kenënt wii kleen ewolutsyoon.
c Orixinal thitel: Encyclopædia Britannica.
Fiilaycht tuust tuu aach kërn hon
WEER SIN MEYER
Ferlang een pesuuch
Tuu ti antworte kriin fer tayn frooche iwer ti Piipel orer tuu mee iwer Yeehoowa sayn Tsayer wise.