Meechte ti piiplixe profetsiie pewayse tas Yeesus te Mesias waar?
Ti antwort fon te Piipel
Yaa. Wii Yeesus uf ti Eyert waar, hot tee fiil profetsiie erfiilt iwich te “Mesias, te Fiirer”, tee woo solt te ‘Reter fon te welt’ wëre. (Tanyël 9:25; 1 Yoohan 4:14) Un noo Yeesus sayn uf xtaye fom toot, hot tee foran profetsiie iwich te Mesias erfiilt. — Psalm 110:1; Aphostele sayn Kexichte 2:34-36.
Was petayt tas wort “Mesias”?
Tas hepreeyx wort Mashíahh (Mesias) un aach tas selwiche kreekixe wort Khristós (Kristus) petayt “Kesalpter”. Soo “Yeesus Kristus” petayt “Yeesus, te Kesalpter”, orer “Yeesus, te Mesias”.
In ti piiplixe tsayte, wën een persoon kesalpt kewoer is fer een hooch autoriteet xtel kriin, is eel iwich sayne khop kexut woer. (Lewiitikus 8:12; 1 Samuël 16:13) Yeesus hot fon Kot een kroos autoriteet xtel kriit: te Mesias sin. (Aphostele sayn Kexichte 2:36) Awer, xtats Yeesus salpe mit eel, hot Kot tee kesalpt mit hayliche kayst. — Matheus 3:16.
Is es meechlich tas mee wii een persoon khent ti profetsiie iwich te Mesias erfiile?
Nee. Soo wii een finger truk ploos tsu een persoon keheere khan, ti erfiilung fon ti piiplixe profetsiie wayst ploos eene Mesias, orer Kristus. Awer ti Piipel saat tas “falxe kristus un falxe profeete wëre khome, un wëre kroose tsayche un wunere mache fer hiner keen, un wën meechlich, soo kaar ti raus kesuuchte.” — Matheus 24:24.
Meecht te Mesias noch in foerxayn khome khene im tsukhunft?
Nee. Ti Piipel hot foer raus kesaat tas te Mesias teet ap xtame fom kheenich Tawi fon Israël. (Psalm 89:3, 4) Awer ti yiitixe rexistre fon Tawi sayn nookhomer sin ferloer kang, fiilaycht wii ti romaaner Yeruusalem fernicht hon, im yoer 70 noo Kristus a. Fon tan aan, khan nimant mee pewayse tas se fom kheenich Tawi sayn familye is. Awer, in Yeesus sayn tsayt, waare noch tiise rexistre un sayn faynte khonte niks keeche saan wii Yeesus saat tas eyer fon Tawi sayn familye weyer. — Matheus 22:41-46.
Wii fiil profetsiie iwich te Mesias kepts in te Piipel?
Tas is net meechlich kenau saan wii fiil profetsiie iwich te Mesias es kept. Tsum payxpiil, soo kaar tekste woo taytlich iwich te Mesias xpreche, khene uf anere aate ketseelt wëre. In Isaiias 53:2-7 xteen fiil kleenichkheete iwich profetsiie fom Mesias. Etliche khene tiise tekste aan nëme wii een eensich profetsii, anere khene yeete kleenichkheet aan siin wii een profetsii.
Etliche profetsiie iwich te Mesias woo Yeesus erfiilt hot
Profetsii |
Kexrip woer in |
Erfiilung |
|---|---|---|
Nookhomer fon Apraham |
||
Nookhomer fon Isak, Aprahams soon |
||
Fom israeliitixe xtam, Yutaa |
||
Ap xtamt fom kheenich Tawi |
||
Fon een yung fraa kepoer |
||
In Petleheem kepoer |
||
Te naame Emanuel kriit b |
||
Keweenlich aan fang |
||
Kleene puupe um keprung noo sayn kepoer |
||
Aus Ejipt keruuft |
||
Nasareene kenënt c |
||
Een pexeet man hot te weech perayt |
||
29 N.K. kesalpt fer Mesias sin d |
||
Kot erkhënt tee wii sayne Soon |
||
Ayfersicht iwich Kotes haus |
||
Kuute notisye preeticher |
||
Tiinst aarwayt in Kalileya waar een kroos licht |
||
Hot wunere kemacht wii Mooses |
||
Soo wii Mooses, hot tee Kot sayn ketanke pekhant kemacht |
||
Fiil kranke keheelt |
||
Hot sich net ufm eyerste plats ketuun |
||
Hot ketauert ti woo am layte waare |
||
Kot sayn kerechtichkheet pekhant kemacht |
||
Wunerlich Aanreetner |
||
Yeehoowa sayn naame pekhant kemacht |
||
Hot ilustratsyoone penutst |
||
Eene fiirer |
||
Fiil hon net aan tëm keklaapt |
||
Xteen fer xtolpere |
||
Ti mënxe hon tee net aan kenom |
||
Kehast oone motiiw |
||
Triunfaal inkang in Yeruusalem uf een esel |
||
Fon khiner keloopt |
||
In Yeehoowa sayn naame khom |
||
Fon eene froynt woo tee ketroost hot hiner kang |
||
Hiner kang um 30 silwer nikele e |
||
Froynte hon iim in xtich kelos |
||
Falxe tsayer hon iwich iim kexproch |
||
Ruych keplip foer tii woo tee aan kep hon |
||
Aan iim kexpukt |
||
Uf sayne khop keklopt |
||
Ferklopt |
||
Hot sich ferklope kelos |
||
Rechiirente xëfe hon sich samer kemacht keeche tëm |
||
Hënt un fiis aan een phool aan kenaachelt |
||
Sayn tsaych aus kexpilt |
||
Mit ti sintere kerechent |
||
Ferximt un ferxpot |
||
Kelit fer ti sintere |
||
Hot aus kesiin tas Kot tee im xtich kelos hot |
||
Hon esich un kal iim kep fer trinke |
||
Hot torst wii tee am xtërpe waar |
||
Fertraut sayn kayst aan Kot |
||
Hot sayn leepe ap kep |
||
Opfert sayn leepe fer te sinte aan ën mache |
||
Sayn knoche sin net ferproch kewoer |
||
Torich kextoch woer |
||
Pay ti rayche pekraapt |
||
Fom toot uf keruuft |
||
Eene anere ufm hinerlistiche sayn plats ketuun |
||
Setst uf Kot sayn recht sayt |
a Ti Cyclopedia fon McClintock un Strong saat: “Is tsiimlich sicher tas ti rexistre fon te xtëm un familye fon Yutaa sin ferloer kang wii Yeruusalem fernicht kewoer is, un net foer traan.”
b Te hepreeyxe naame Emanuel, woo petayt “Kot is mit uns”, heleft uns kuut ferxteen Yeesus sayn xtel als Mesias. Sayn leepe uf ti Eyert un ales was tee kemacht hot pewayst tas Kot mit sayn aanpeeter is. — Lukas 2:27-32; 7:12-16.
c Tas is meechlich tas tas wort “Nasareene” fon tas hepreeyx wort nétser khomt, woo petayt “naye aus xlaach”.
d Fer mee kleenichkheete wise iwich ti piiplixe tsayte woo tsayche tas tas yoer 29 tas yoer is woo te Mesias tsum foer xayn khom is, kuk te artikel “Wii Tanyël sayn profetsii in foer raus ketsaycht hot ti tsayt wën te Mesias khome teet”.
e Tiise profetsii xteet im puuch Sakarias, awer te piiplixe xrayper Matheus saat “tas Yeeremias, te profeet, sayn wërter sich erfiilt hon.” (Matheus 27:9) Soo wiis aus siit, als mool, tas puuch Yeeremias is te eyerst khom im apteelung fon ti piicher woo kenënt sin “Ti Profeete”. (Lukas 24:44) Tas is meechlich, tas wii Matheus “Yeeremias” kenënt hot, hot tee kexproch iwich tas kanse apteelung, woo tas puuch Sakarias teel macht.
Fiilaycht tuust tuu aach kërn hon
WACHT UF!
Een yiitix fraa leet aus warom se iire klaape peser unersuucht hot
Was hot Racquel Hall ti sicherheet kep tas Yeesus te Mesias waar?
PIIPLIXE INLËRNUNGE
Tuu unser khurs fon ti Piipel khëne
Mach een khurs fon te Piipel woo niks khost mit een persoonlich leerer.