Yaa. Kot khimert sich mit sayn tiiner woo krank sin. Ti Piipel tuut iwer een troye tiiner saan: “Yeehoowa tuut iim unerxtitse wën eyer krank im peet leet.” (Salmo 41:3) Tan, wëns tuu een xroo krankheet mit leepst, too hiir sin 3 aanunge woo khene tich helfe tas phake:

1.   Peet fer kraft hon fer aus hale. Tuu khanst “Kot sayn friit” kriin, “woo keet iwer ales woo ti mënxe ferxteen khene”. (Filipenses 4:6, 7)

2.   Say positiiw. Ti Piipel saat: “Froo sin halt tich kesunt. Traurich ti kans tsayt sin macht een persoon lamsam xtërpe.” (Provérbios 17:22, tëm noo ti Good News Translation.) Mii tich fer lustich sin. Tas tuut tayn xweyere taache ferlaychte. Un noch: es tuut nutse fer tayn kesuntheet pringe.

3.   Ferxtërk tayn hofnung in te tsukhunft. Een fest hofnung khan tich helfe frayt fine opwool tuu een xroo krankheet host. (Romanos 12:12) Ti Piipel xprecht iwer een tsayt wën “khee pewooner tuut saan: ‘Ich sin krank.’” (Isaías 33:24) Kot tuut tan ti xrooe krankheete heele woo ti motërn syens kriit net. Tsum payxpiil, ti Piipel saat tas ti alte tuun noch mool yung un kesunt wëre: “Tëm sayn khërper sol kesunter wëre wii wën eyer yung waar; Eyer sol ti kraft fon sayn yunge taache tsurik kriin.” (Jó 33:25)

 Noote: Opwool mer erkhëne tas Kot heleft uns, Yeehoowa sayn Tsayer tuun aach ti toktere suuche fer een tratamënt fer sayn xrooe krankheete kriin. (Marcos 2:17) Awer, mer tuun net saan was fer tratamënt kuut orer xlecht is; meyer tenke tas yeete persoon sol sayn aychne ëntxlus iwer kesuntheet mache.