Ala

(Kheen mool)

Tas wort “Ala” is een arapix wort woo “Kot” petayt. “Ala” is net een naame fon Kot. Arapixe iwersetsunge fon te Piipel un anere xprooche penutse “Ala” fer te thitel “Kot” iwersetse.

Te Alfa un Oomeka

(Apocalipse 1:8; 21:6; 22:13)

Alfa is tas eyerste puuchxtaap fon te kreekixe alfapët, un oomeka tas letste. Ti aus xprooch petayt “te eyerste un te letste” orer “te aanfang un tas ën”. Tas tsaycht tas es nii een anere Ale Mechtiche Kot soo wii Yeehoowa eksistiirt hot orer een taach eksistiire tuut.( Isaías 43:10)

Ale Heechste

(Salmo 47:2)

Hot tas heechste xtel in kanse uniwërsum.

Alte fon Taache

(Daniel 7:9, 13, 22)

Kot hot khee aanfang. Tee hot xon eksistiirt foer yeete aner tings orer persoon. ( Salmo 90:2)

Ayfersichtich

(Êxodo 34:14, Pastoral)

Kot wil tas mer ploos tee aan peete. Tas wort is aach iwersetst “ich tuun net erlaupe tas teyer anere kote hot” orer “kekhënt wayl eyer wil tas mer ploos Tee aan peete sole”.( Tradução da Sociedade Bíblica Portuguesa; Tradução do Novo Mundo)

Kriatoer

(Isaías 40:28)

Hot ales kemacht.

Kot

(Gênesis 1:1)

Yeete tings woo aan kepeet wërt khan wii kot kenënt sin. Tas wort petayt aach “Xtarek; Kewaltich”. Tas hepreeyxe wort ʼElo·himʹ, woo wii Kot iwersetst is, is pluraal woo tsaycht Yeehoowa sayn kroosheet.

Kot fon te kote

(Deuteronômio 10:17)

Ti aus xprooch is penutst fer se tsayche tas te Ale mechtiche Kot anerste is fon te “kote woo khee weyert hon”. ( Isaías 2:8)

Frooe Kot

(1 Timóteo 1:11)

Ti frooheet un frayt mache teel fon Kot sayn personaliteet.( Salmo 104:31)

Ich Sin was Ich Sin wil

(Êxodo 3:14, Almeida, revista un atualizada)

Tee wërt was es mus sin fer sayn wile mache. Tiise frase is aach iwersetst kep “Ich wëre was es mus sin woo mich kefale tuut” orer “Ich wëre was ich entxlise was ich wëre wil.” (Bíblia Enfatizada, fon Rotherham; Tradução do Novo Mundo) Tiise pexraypung is penutst kep fer Kot sayn naame Yeehoowa aus leye, woo in tëm neekste wersikel fon Êxodo 3:15 xteet.

Kroose Leerer

(Isaías 30:20, 21)

Kept uns aanreete un lërnt uns was peser fer uns is.( Isaías 48:17, 18)

Te Kroose woo uns kemacht hot

(Salmo 149:2)

Hot tas kanse tings kemacht. ( Apocalipse 4:11)

Lët Muster

(Isaías 64:8)

Soo wii een muster tas lët mustere khan, hot Kot autoriteet iwer ti layt un natsyoone. ( Romanos 9:20, 21)

Heere fom kepeete

(Salmo 65:2)

Heert ti kanse eerliche kepeete woo fer tëm kemacht wëre.

Fater

(Mateus 6:9)

Tee is ti kwel fom leepe.

Xeefer

(Salmo 23:1)

Tee macht sich ketanke mit yeete eene woo tëm aan peet.

Rik Khaafer

(Isaías 41:14, Almeida, revista un atualizada)

Torich tas fray khaaf opfer fon Yeesus, tuut Kot ti mënxe fom sint un toot fray mache. ( João 3:16)

Kheenich fon te Eewichkheet

(Apocalipse 15:3)

Kot hat imer autoriteet un wërt se fer imer hon.

Fels

(Salmo 18:2, 46)

Kot reet un xitst sayn tiine.

Reetner

(Isaías 45:21)

Kot macht sayn tiine fons kefoer un toot fray.

Haylichste

(Provérbios 9:10)

Is te phuerste un haylichste persoon woos kept.

Hër

(Salmo 135:5)

Iwersetsung fom hepreeyx ʼA·dhohnʹ un ʼAdho·nimʹ. Tiise wërter petayte aach “hër iwer was” orer “woos iwer sich hot”.

Hër fom militeer

(Isaías 1:9, Almeida, revista un atualizada; Romanos 9:29, Nova Versão Internacional)

Tee woo iwer een kewaltiche militeer fon ëngele xikt. Te thitel “Hër fom militeer” khan aach iwersetst wëre wii “Yeehoowa fom militeer”.( Isaías 1:9, Tradução do Novo Mundo; Versão Brasileira)

Soweraan Hër

(Gênesis 15:2)

Iwersetsung fom hepreeyx ʼAdho·naiʹ. Tsaycht tas Kot te heechste autoriteet is, woo eksistiirt.

Mechtiche

(Daniel 7:18, 27)

Kreest autoriteet woos kept.

Ale Mechtiche

(Gênesis 17:1)

Nimant hot mee macht wii Kot. Tas hepreeyx aus xprooch ʼEl Shad·daiʹ, woo wii “Ale Mechtiche Kot” iwersetst is, khom 7 mool in te Piipel foer.

Yavé-Chammá, Yeehoowa-Samá

(Ezequiel 48:35, Centro Bíblico Católico; Tradução do Novo Mundo ‘com Referências’, noote).

“Yeehoowa is tat.”

Yeehoowa Yiré

(Gênesis 22:13, 14)

“Yeehoowa kep was mus sin” orer “Yeehoowa phast tas uf”.

Yeehoowa Nisii

(Êxodo 17:15)

“Yeehoowa is mayn sinaal phoste” orer “mayn faana”. (Nova Versão Internacional) Yeehoowa sayn folek khan tëm suuche fer hilef un xits kriin. ( Êxodo 17:13-16)

Yeehoowa Saloon

(Juízes 6:23, 24)

“Yeehoowa is friit.”