Fiile layt frooe sich iwich te opjetiiw fom leepe. Im xtant saan se: “Warom sin mer hiir? Fer was leepe mer?” Ti Piipel tsaycht tas te opjetiiw fon unser leepe is een fraayntxaft mit Yeehoowa ëntwikele. Fer tiise sache peser ferxteen, wole mer leese etliche tekste woo uns ti woerheet too triwer tsayche:

•   Kot is unser Kriatoer. Ti Piipel saat: “[Kot] hot uns kemacht, un meyer sin sayn.” (Psalm 100:3; Apokalipsis 4:11)

•   Kot hot een opjetiiw fer ales was eyer kemacht hat, un aach fer uns. (Isaiias 45:18)

•   Kot hot uns kemacht mit “kaystliche neetichkheete”, un een fon tëne is te wunx fer raus kriin te opjetiiw fom leepe. (Matheus 5:3) Un tee wil tas mer tas ferxteen sole. (Psalm 145:16)

•   Fer unser kaystlich neetichkheet fersoriche, mise mer een fraayntxaft mit Kot ëntwikele. Ale tëm tas es fer etliche unmeechlich aus siit Kot sayn fraaynt sin, ti Piipel muut uns uf: “Khomt ticht tsu Kot, un Eyer khomt ticht tsu aych.” (Tyako 4:8; 2:23)

•   Fer Kot sayn fraaynt sin, mise mer leepe soo wii tee wil tas mer leepe sole. Ti Piipel tsaycht in Eklesyastes 12:13 was mer mache sole: “Tuu tiife respëkt tsu Kot hon un heer aan sayn kepoote, wayl fer tas sin mer kemacht woer.” (Bíblia na Linguagem de Hoje, in portukeesix)

•   Im tsukhunft, wën Kot am ën macht mit ale eelent un kept eewiche leepe fer sayn fraaynte, sayn troye tiine, wëre mer kenau siin Kot sayn opjetiiw fer ti mënxheet sich erfiile. (Psalm 37:10, 11)