Nee, meyer hon khee pextimte taach fer se xtërpe. Ti Piipel lërnt net in iwer een pextimte taach. Ti Piipel saat tas ti toot fiil mools pasiirt weeche “tinge woo mer net waarte” khene.—Eklesyastes 9:11.

Awer saat ti Piipel net tas es een “tsayt fer se xtërpe” kept?

 Yaa, Eklesyastes 3:2 saat tas es “een tsayt fer uf ti welt se khome un een tsayt fer se xtërpe; Een tsayt fer se planse un een tsayt fer aus se rope was keplants kep is”. Awer te kontëkst fon te wersikel tsaycht tas ti Piipel fon keweenliche sikle fom leepe am xpreche is (Eklesyastes 3:1-8) Kot hot khee taach ap kextimt woo yeete persoon xtërpe tuut, soo wii eyer khee pauer tswinge tuut in een ap kextimte tsayt planse. In woerheet, was tas saan wil is tas mer uns net soo fiil mit ti sache fon taach tsu taach ketanke sole mache tas mer unser Kriatoer uf sayt lose.—Eklesyastes 3:11; 12:1, 13.

Es is meechlich mee tsayt leepe

 Opwool ti unsicherheete fom leepe, es is meechlich mee tsayt leepe wën mer kuute entxlise mache. Ti Piipel saat: “Te kluuch sayn inlërnung is tas kwel fon leepe Un tuut uns fom xlop fon te toot ap wayche.” (Xpriiche 13:14) In ti selwich aat, Mooses hot fer ti Israeliiter kesaat, tas wën se aan heere teete was Kot saat, khente se fiil tsayt leepe. (Teuteronoomyum 6:2) Im keeche teel, wën mer net uf phase, khene mer unser leepe ferkhërtse weeche tume orer ferkheerte aktsyoone woo mer mache.—Eklesyastes 7:17.

 Opwool meyer kuute entxlise mache orer uf phase, mer khëne net fom toot aus rayse. (Romaaner 5:12) Awer tiise situatsyoon wërt sich enere, wayl ti Piipel ferxprecht uns tas eene taach ‘kheen toot mee kept.’—Apokalipsis 21:4.