Yaa, wayl ti pest hilef khomt fon “Kot, woo treest, muut uf un ferxtërkt tii woo tiifsinich sin.” (2 Korinter 7:6, The Amplified Bible)

•   Kraft. Kot “muut uf un ferxtërkt”, net wayl tee ti propleeme wech nëmt, awer tee antwort tayn kepeete wëns tuu kraft ferlangst fer mit tayn tiifsinichkheet um keen. (Filiper 4:13) Tuu khanst tich sicher sin tas tee fërtich is fer tich horiche, wayl ti Piipel saat: “Yeehoowa is ticht pay tëne woo een ferprochne hërts hon, eyer ret tii woo een fertriktne kayst hon.” (Psalm 34:18) In woerheet, Kot khan ferxteen tas tuu hilef ferlangst wëns tuu tas aach net mit wërter saan khanst. (Romaaner 8:26, 27)

•   Kuute payxpiile. Een Piipel xrayper hot tsu Kot kepeet: “Fon tëm tiife ruufe ich tich, oo Yeehoowa.” Etwas woo tiise psalmist keholef hot mit sayn tiifsinichkheet um keen waar sich erinere tas Kot wil unser sinte fertsaye. Tee saat: “Wëns tuu ti feeler peopachte teest, oo Yah, weer, oo Yeehoowa, khent xteen plaype? Wayl pay tich is woere fertsayung, soo sole ti layt tich eere.” (Psalm 130:1, 3, 4)

•   Hofnung. Kot treest uns hayt xon un ferxprecht wech mache ti kanse propleeme woo mache tas tiifsinichkheet kept. Wën tee tiise ferxpreche erfiilt “ti ferkangne tinge [un aach tiifsinichkheet] wëre net mee erinert un tuun net mee ins hërts khome.” (Isayas 65:17)

 Noote: Ale tëm Yeehoowa sayn Tsayer erkhëne tas Kot uns heleft, suuche se toch metitsiinix tratamënte fer krankheete wii tiifsinichkheet. (Markus 2:17) Awer Yeehoowa sayn Tsayer tuun khee foerxlache kepe fer khee eene spetsiifixe tratament; yeete persoon mus sayn aychne ëntxlise mache iwich tiise sache.