Fer tas een insëkt fliie khan, in te hee krawele un wise woo tee is, mus tee sauwer sin. Tsum payxpiil, wën ti aamayse sayn anteene trekich sin, tan is es net laycht fer tëne wise woo se sin, sich mit te anere aamayse ferxteen un keroch mërke. Tes weeche, “tuust tuu nii een trekich insëkt aan trefe”, saat Alexander Hackmann, woo iwich tiere xtutiirt. Tee saat noch: “Ti insëkte hon raus kriit wii mit trekiche pletse um keen.”

Tenk mool: Hackmann un sayn koleke hon xtutiirt was een sort aamayse (Camponotus rufifemur) macht fer sayn anteene sauwer mache. Tii hon raus kriit wii ti aamays unerxiitliche krimele fon iire anteene ap putst. Tii piit sayn peen krum wii een kramp un tsiit yeete anteene tat torich. Ti tike pëxte woo in te kramp sin putse ap ti kroose krimele. Kleene krimele wëre ap kemacht torich pëxte woo soo tin sin wii ti pëxte fon iire anteene. Un ti krimele woo noch fiil kleene sin, woo achtsich mool tiner sin wii een mënxe hoer, wëre ap keputst torich pëxte woo noch tiner sin.

Kuk wii een aamays sayn anteene sauwer macht

Hackmann un sayne krup klaape tas ti aat wii ti aamayse sayn anteene sauwer putse khent penuts wëre in faprike. Tsum payxpiil, tiise aat fer sauwer mache khent penuts wëre in faprike woo kleene eletroonixe sache mache, wayl een kans pisye xtaap khent mache tas tiise artikele net funtsyoniire teet.

Was mënst tuu? Meecht ti aamayse sayn seer kuut aat fer sayn anteene putse resultaat fon ewolutsyoon sin, orer hots yemant kepleent?