Soo wii een xtuutyum woo in Nort Amërika kemacht is woer, tsaycht tas unkefeer ti heleft fon te yunge unich 15 un 19 yoore saan tas se xon oral sëks kemacht hon. “Wën ma mit eene yunge xprecht [iwich oral sëks], saan se tas tas khee propleem is”, saat Sharlene Azam, woo tas puuch Oral Sex Is the New Goodnight Kiss (Oral sëks is te naye kuut nacht khus). “Fer tëne, oral sëks is khee sëks.”

•  Was mënst tuu?

•  Was is ti woerheet?

•  Warom sich ketanke mache too triwer?

 Antwort “yaa” orer “nee” tsu ti frooche uner traan.

1.   Khan een meetche xwange wëre wën se oral sëks macht?

   1.   Yaa

   2.   Nee

2.   Khene krankheete khome fon oral sëks mache?

   1.   Yaa

   2.   Nee

3.   Is oral sëks wërklich sëks?

   1.   Yaa

   2.   Nee

 Kuk eps tuu richtich keantwort host.

1.   Khan een meetche xwange wëre wën se oral sëks macht?

    Antwort: Nee. Tes weeche, tenke fiil layt tas oral sëks khee xaate macht, awer tas is net soo.

2.   Khene krankheete khome fon oral sëks mache?

    Antwort: Yaa. Yemant woo oral sëks macht khan hepatitis (A orer B), xenitaale waatse, konorëya, hërpes, HIV un siifilis kriin.

3.   Is oral sëks wërklich sëks?

    Antwort: Yaa. Ales was tsu tuun hot mit xenitaale orkaan fon een aner persoon – too pay is sëks mache, oral sëks, anal sëks un aner persoon masturpiire — tas ales is sëks.

 Kuk was etliche Piipel tekste too triwer saan.

 Ti Piipel saat: “Wayl tas is Kot sayn wile: teyer solt ... sich fon te seksuaal imoraaliteet wech hale.” — 1 Thesalooniker 4:3.

 Tas kreekix wort woo iwersets is woer wii “seksuaal imoraaliteet” petayt ëng ferheltnis unich layt woo net in naner ferhayrat sin, soo wii sëks mache, oral sëks, anal sëks un aner persoon masturpiire. Weer tas macht khan een kroose xate fer sich selepst pringe, un noch xlimer, khan sayn fraayntxaft mit Yeehoowa ferliire. — 1 Pheeter 3:12.

 Ti Piipel saat: “Awer weer seksuaal imoraaliteet praktisiirt, tuut keeche sayn aychne khërper sinte.” – 1 Korinter 6:18.

 Te oral sëks khan fiisix un spirituaal xaate pringe. Un noch, khan petrefe te persoon sayn xpiirunge. “Tas is net ploos te normaal sëks woo mache khan tas yemant khan sich peroye, sich xwach orer penuts xpiire”, saat tas puuch Talking Sex With Your Kids (Iwich sëks xpreche mit tayn khiner). “Ti selwiche nekatiiwe xpiirunge woo yemant khan hon wën eyer sëks kemacht hot in een ferkheert tsayt khene aach khome noo yeete sort sëks in een ferkheert tsayt. Sëks is sëks.”

 Ti Piipel saat: “Ich, Yeehoowa, sin tayn Kot, Tee woo tich in lërnt was peser fer tich is.” — Isayas 48:17.

 Klaapst tuu tas Kot sayn kesetse iwich sëks sin fer tich xitse? Orer mënst tuu tii wëre tsu xtreng? Fer ti antworte fer tiise frooche fine, tenk aan een xtroos mit kroose mowimënt woo plake sin woo tsayche wii xnel ma faare thërf un woo tsayche woo xtil hale. Wëns tuu un ti anere woo faare net acht kepe tsu ti plake, was wërt pasiire?

 Soo is tas aach mit Kot sayn oryentiirunge. Wëns tuu se net aan heerst wërst tuu kans sicher ënte was tuu keplants host. (Kalater 6:7) Ti xrayperin Susan Browning Pogany saat in een puuch iwich sëks: “Soo fiil mee tuu tsurik lost aan was tuu klaapst fer etwas mache woos tuu tich net kuut triwer xpiirst, weeniche respëkt wërst tuu iwer tich selepst hon.” Awer, wëns tuu aan nëmst was Kot saat, wërst tuu tsayche tas tuu een xtark moraal host. Un noch mee, wërst tuu een sauwer kewise hon. — 1 Pheeter 3:16