UNSER KRISTLICH LEEPE
Host tuu xon ketënkt wii tuust tuu tich fer tas Aantënke in richte?
Fon tiise yoer am wayter, tuun mëyer mee tsayt hon fer uns in richte fer tas Aantënke fon Yeesus sayn toot. Wën tas Aantënke pasiirt tswixich moontaach pis fraytaach, tuun mer nët ti fersamlung Unser kristlich leepe un preetich mache. Wën am ën fon te woch pasiirt, tuun mer nët ti puuplix reet un tas xtuutium fon Te Wachthurm hon. Wii tuust tuu tiise fray tsayt penutse? Soo wii in te tsayt fon te ëyerste kriste, is es neetich ëtliche tinge in richte fer tiise ëkstra keleechenheet. (Luc. 22:7-13; Ministério do Reino 03/15 sayt 1) Awer mer al mise unser ferxtan un unser hërts in richte. Wii khëne mer tas mache?
-
Tënk triwer noo warom es wichtich is aan tas Aantënke khome. (1 Cor. 11:23-26)
-
Tënk wii tayn froyntxaft mit Yeehoowa is un tuu iwer tas peete. (1 Cor. 11:27-29; 2 Cor. 13:5)
-
Lees artikele woo aus lëye tuun was tas Aantënke petayt un tuu iwer tas triwer noo tënke. (João 3:16; 15:13)
Ëtliche puplikatoore tuun tas Piipel leesung prokram leese fon te woch fon tëm Aantënke, woo im piichelche Examine as Escrituras Diariamente xteet, un tuun iwer tas triwer noo tënke. Anere tuun tas prokram fon te tapële penutse woo in tiise artikel is. Un anere, tuun artikele fon Te Wachthurm noch mool leese woo iwer tas Aantënke xprëcht un ti liip woo Yeehoowa un Yeesus fer uns ketsaycht hon. Es is een tuun was fer xtuutium plaan tuu mache wilst, awer tas wichticher is tas tas xtuutium tich hëlfe noch tichter pay Yeehoowa un sayn Soon khome.