1te-7te April
PSALME 23-25
Liit 4 un kepeet | Eyerste komentaare (1 min.)
1. “Yeehoowa is mayn Xeefer”
(10 min.)
Yeehoowa fiirt un xitst uns (Psal. 23:1-4; Wachthorm 01/22 sayte 3-4 apsetse 5-6)
Yeehoowa eneert uns (Psal. 23:5; Sentinela 01/05/11 sayt 31 apsats 5)
Yeehoowa phast sayn tiiner uf soo wii een liipliche xeefer sayn xeef uf phast.
FROO TICH: ‘Wii hon ich xon in mayn leepe kexpiirt tas Yeehoowa mich uf phast?’
2. Suuch wunerliche tinge fon te Piipel
(10 min.)
-
Psal. 23:3 — Was sin ti “weeche fon te kerechtichkheet”, un was tuut uns helfe uns net fon tëne ap lenke? (Sentinela 15/02/11 sayt 24 apsetse 1-3)
-
Was fer wunerliche tinge host tuu in te Piipel leesung fon te woch kefun?
3. Piipel leesung
(4 min.) Psal. 23:1–24:10 (Leeser un leerer lisyoon 5)
4. Kexpreeche aan fange
(3 min.) INFORMAAL TSAYE. Te persoon saat tas eyer sich ketanke macht wayl ti layt ti Eyert fernichte tuun. Tsaych een ufmuutiche Piipel tekst. (Liip ti layt lisyoon 2 phunkt 5)
5. Te interes ferkreesere
(4 min.) HAUS TSU HAUS. Tsaych wii een Piipel xtuutyum is fer yemant woo tas piichelche Los tich kuut keen aan kenom hot. (Liip ti layt lisyoon 9 phunkt 3)
6. Tisipele mache
Liit 54
7. Meyer nëme net ti xtim fon frëmte aan
(15 min.) Reet mit etliche antworte fon te kemaynt.
Ti xeef tuun ti xtim fon sayn xeefer erkhëne un keen tëm noo. Awer wën se heere ti xtim fon yemant woo se net khene, laafe se faart. (Yoo. 10:5) In te selwich aat, heere mer ti xtim fon unsere liipliche Xeefer woo mer traue khene — Yeehoowa un Yeesus. (Psal. 23:1; Yoo. 10:11) Awer meyer nëme net ti xtim fon te frëmte aan, wayl se fersuuche unser klaape torich “hinerlistiche wërter” xwach mache. (2 Phe. 2:1, 3)
Tas kapitel tray fon Xeenesis xprecht iwer tas eyerste mool woo een persoon ti xtim fon een frëmte uf te Eyert keheert hot. Satanaas hot mit Ewa torich een xlang kexproch fer se ferxtekele weer eyer wërklich waar un hot tii hinerkang. Tee hot Yeehoowa sayn wërter un motiwatsyoone fertreet. Soo, hot Satanaas aus siin kemacht tas eyer Ewa sayn fraaynt weyer. Wii traurich tas Ewa aan tëm keklaapt hot un tas hot fiil eelent fer tii un sayn familye keprung.
Hayt, Satanaas fersuucht tswayfele in unser khop planse iwer Yeehoowa un sayn Orkanisatsyoon. Tee macht tas torich nekatiiwe notisye, halpe woerheete un liie. Wën mer ti xtim fon een frëmte heere, sole mer klaych aus rayse! Tëne heere, soo kaar wëns ploos een pisye is wayl mer naykerich sin, is xon kefeerlich. Tenk traan tas Satanaas hot es hin kriit Ewa mit ploos phaar wërter hinerkeen. (Xee. 3:1, 4, 5) Un was sole mer mache wën yemant woo uns liipt un kuute motiwatsyoone hot, wil etwas nekatiiwes iwer Yeehoowa sayn Orkanisatsyoon fer uns tsayche?
Tsaych te WIITEO Tuu net “ti xtim fon frëmte” aan nëme. Nochter, froo:
Was host tuu kelërnt mit te aat wii Jate mit sayn mama um kang is?
