29te April–5te Maay
PSALME 34-35
Liit 10 un kepeet | Eyerste komentaare (1 min.)
1. “Ich tuun Yeehoowa ti kans tsayt loope”
(10 min.)
Tawi hot Yeehoowa keloopt aach wën eyer xwiirichkheete mit kemacht hot (Psal. 34:1; Sentinela 01/03/07 sayt 22 apsats 11)
Tawi hot sich weeche Yeehoowa kefrayt un net weeche sich selepst (Psal. 34:2-4; Sentinela 01/03/07 sayt 22 apsats 13)
Tawi sayn wërter fon loop hon sayn fraaynte kextërekt (Psal. 34:5; Sentinela 01/03/07 sayt 22 apsats 15)
Noo Tawi fon sayn faynt Akis, orer Apimelëk, pefrayt kep is, sin 400 mëner — woo untsufriite mit Saul sayn rechiirung waare — Tawi im tesërt noo kang. (1 Sam. 22:1, 2) Fiilaycht hot Tawi aan tiise mëner ketenkt wii eyer Psalm 34 uf kesetst hot.
FROO TICH: ‘In te neekst fersamlung, wii khan ich Yeehoowa in mayn kexpreeche loope?’
2. Suuch wunerliche tinge fon te Piipel
(10 min.)
-
Psal. 35:19 — Tawi hot ferlangt tas Yeehoowa solt net lose tas tii woo Tawi kehast hon ‘sayn aue plinsele’ teete. Was petayt tas? (Sentinela 15/05/06 sayt 20 apsats 2)
-
Was fer wunerliche tinge host tuu in te Piipel leesung fon te woch kefun?
3. Piipel leesung
(4 min.) Psal. 34:1-22 (Leeser un leerer lisyoon 5)
4. Kexpreeche aan fange
(2 min.) INFORMAAL TSAYE. Tas kexpreech keet aans ën eeps tuu een tsaye kepe khanst. (Liip ti layt lisyoon 1 phunkt 4)
5. Te interes ferkreesere
(4 min.) INFORMAAL TSAYE. (Liip ti layt lisyoon 2 phunkt 4)
6. Tayn klaape aus leye
(5 min.) Foerxtelung. Los tich kuut keen lisyoon 44 apsetse 1-3 — Theema: Wii tuun Yeehoowa sayn Tsayer ëntxlise op se een fayertaach fayre orer net? (Leeser un leerer lisyoon 17)
Liit 59
7. Tray aate fer Yeehoowa in te fersamlunge loope
(15 min.) Reet mit etliche antworte fon te kemaynt.
Meyer hon fiile oportuniteete fer Yeehoowa in unsere fersamlunge loope. Too hiir sin tray aate:
Kexpreeche: Wëns tuu mit anere fertseelst, xprech iwer wii kuut Yeehoowa is. (Psal. 145:1, 7) Host tuu etwas spetsiifixes keheert orer kelees woo tich keholef hot? Host tuu een kuut speryens in te preetich aarwayt kehat? Hot yemant etwas kesaat orer kemacht woo tich uf kemuut hot? Host tuu etwas in te kriatsyoon kesiin woo tich ferwunert hot? Tas ales sin kexenke fon Yeehoowa. (Tya. 1:17) Fersuuch etliche minute eente in ti fersamlung khome fer mee tsayt hon fer mit te anere fertseele.
Komentaare: Fersuuch weenichts een komentaar in yeete fersamlung kepe. (Psal. 26:12) Tuu khanst ti haupst antwort fon te frooch kepe, iwer een ekstra phunkt orer iwer een Piipel tekst xpreche, een pilt pexraype orer iwer een praktix lisyoon komentiire. Eriner tich tas anere priiter sich in te selwich tsayt meele khene; tan, fersuuch mee komentaare foer perayte. Wën mer komentaare fon 30 sekunte orer weenicher kepe, khene ti anere aach ti oportuniteet hon fer “een opfer fon loop fer Kot mache”. (Hep. 13:15)
Liiter: Sing mit tayn kans hërts in te fersamlunge. (Psal. 147:1) Fiilaycht khanst tuu net in yeete fersamlung komentiire, hauptseechlich in kroose kemaynte. Awer tuu khanst imer ti liiter mit singe. Aach wëns tuu tenkst tas tuu net kuut singst, tenk traan tas Yeehoowa aarich froo wërt wëns tuu tayn pestes kepst! (2 Kor. 8:12) Tuu khanst tich foer perayte wëns tuu ti liiter tehëm iipst.
Tsaych te WIITEO Unser kexicht fon friier pis te tsukhunft — Liiter fer Yeehoowa loope — Teel 1. Nochter, froo:
Tsayt te aanfang fon unser Orkanisatsyoon, wii hon mer ketsaycht tas liiter singe fer Yeehoowa loope was wichtiches is?
