6te-12te Maay
PSALME 36-37
Liit 87 un kepeet | Eyerste komentaare (1 min.)
1. “Playp net pees weeche ti xlechte”
(10 min.)
Meyer layte weeche ti xlechte mënxe (Psal. 36:1-4; Sentinela 04/17 sayt 10 apsats 4)
Meyer tuun uns selepst xaate mache wën mer wuutich plaype weeche ti xlechte layt (Psal. 37:1, 7, 8; Wachthorm 06/22 sayt 10 apsats 10)
Uf Yeehoowa sayn ferxpreche traue, kept uns friit (Psal. 37:10, 11; Sentinela 01/12/03 sayt 13 apsats 20)
FROO TICH: ‘Tuun ich tsu fiil acht kepe fer notisye iwer wyolënts?’
2. Suuch wunerliche tinge fon te Piipel
(10 min.)
-
Psal. 36:6 — Te psalmist hot kesaat tas Yeehoowa sayn kerechtichkheet wii “hërliche përiche” is [orer “como montanhas de Deus”, noote uf portukeesix]. Was wolt tee woerxaynlich too temit saan? (Perspicaz wolum 2 sayt 410)
-
Was fer wunerliche tinge host tuu in te Piipel leesung fon te woch kefun?
3. Piipel leesung
(4 min.) Psal. 37:1-26 (Leeser un leerer lisyoon 10)
4. Kexpreeche aan fange
(3 min.) HAUS TSU HAUS. (Liip ti layt lisyoon 1 phunkt 5)
5. Te interes ferkreesere
(4 min.) INFORMAAL TSAYE. Piit een Piipel xtuutyum aan fer yemant woo friier tas net aan kenom hot. (Liip ti layt lisyoon 9 phunkt 4)
6. Reet
(5 min.) Ausleyung fon Piipel tekste 45 — Theema: Was fer is ti ausleyung fom Psalm 37:4? (Leeser un leerer lisyoon 13)
Liit 33
7. Pist tuu fer “xweyere tsayte” foer perayt?
(15 min.) Reet mit etliche antworte fon te kemaynt.
Fiile fon unsere priiter un xwestere uf te kans welt tuun layte wayl se een keliipte persoon un materyaalixe tinge ferliire weeche natuer katastroofe un unklike woo weeche ti mënxe pasiire. (Psal. 9:9, 10) Es is traurich, awer ti realiteet is tas ti “xweyere tsayte” khene in kwalkee xtun pasiire. Tes weeche, mise mer foer perayt sin fer tiise xwiirichkheete mit mache.
Mee wii tinge foer perayte woo uns helfe een unklik iwerleepe, a in was fer anere aate khene mer uns foer perayte fer soo was mit mache?
-
Tuu tich mentaal foer perayte: Nëm aan tas unklike khene pasiire un tenk aan was tuu mache khanst wën tas in tayn rechyoon pasiirt. Kep net tsu fiil weyert fer tayn materyaalixe tinge. Tas tuut tich helfe in een kluuch un xnel aat hantele un aach tich traan hale aan tayn aychne leepe un tas leepe fon te anere rete, xtats tayn materyaalixe tinge. (Xee. 19:16; Psal. 36:9) Un noch, wëns tuu net tsu fiil weyert fer tayn materyaalixe tinge kepst, tuust tuu peser mit te situatsyoon um keen wëns tuu etwas in een unklik ferliirst. (Psal. 37:19)
-
Tuu tich kaystlich foer perayte: Xtërek tayn fertraung tas Yeehoowa khan un wil tich uf phase. (Psal. 37:18) Eep een unklik pasiirt, fersuuch imer traan tenke tas Yeehoowa tuut sayn tiiner lenke un helfe soo kaar wën se ales ferliire un ploos sayn leepe rete khene. (Yee. 45:5; Psal. 37:23, 24)
Wën mer ti sicherheet hon tas Yeehoowa sayn ferxpreche erfiile tuut, wërt eyer fer uns een “sicher plats in xweyere tsayte” sin. (Psal. 37:39)
Tsaych te WIITEO Pist tuu fërtich fer een katastroof?. Nochter, froo:
-
Wii khan Yeehoowa uns helfe wën een katastroof pasiirt?
-
Was khene mer mache fer uns foer perayte?
-
Wii khene mer helfe tii woo fon een katastroof petrof kep sin?
8. Kemaynt Piipel xtuutyum
(30 min.) Testemunho Cabal kapitel 9 apsetse 8-16
