Ale kaar xpiire sich als mool traurich. Sich traurich xpiire, wil net saan tas te persoon een xwache klaape in Yeehoowa hot. Soo kaar Yeehoowa hot ketsaycht tas eyer manich mool sich traurich xpiirt. (Xee. 6:5, 6) Awer was khene mer mache wën ti traurichkheet uns ofts orer soo kaar ti kans tsayt iwerlaat?

Suucht Yeehoowa sayn hilef. Yeehoowa kept fiil acht fer unser mentaal un emotsyonaal kesuntheet. Eyer wees wan meyer uns froo un traurich xpiire. Eyer ferxteet warom meyer soo tenke un uns soo xpiire. (Psal. 7:9 2^te teel) Un noch wichticher: Yeehoowa khimert sich mit uns un khan uns helfe mit te trauriche xpiirunge un soo kaar mit te tiifsinichkheet um keen. (Psal. 34:18)

Phast ayer mentaal kesuntheet uf. Nekatiiwe xpiirunge tuun net ploos unser frooheet petrefe, awer aach unser fraayntxaft mit Yeehoowa. Tes weeche, mise mer unser hërts xitse, es wil saan, weer mer inwënich sin. (Xpr. 4:23)

TSAYCH TE WIITEO WII TUUN UNSER PRIITER FRIIT XPIIRE AACH WËN SE TIIFSINICH SIN. NOCHTER, TUU ANTWORTE:

• Was fer praktixe tinge hot Nikki kemacht fer mit te tiifsinichkheet um keen?

  Tayn antwort

• Warom hot Nikki kexpiirt tas se ti hilef fon een tokter praycht? (Mat. 9:12)

  Tayn antwort

• In was fer aate hot Nikki ketsaycht tas se aan Yeehoowa sayn hilef ketraut hot?

  Tayn antwort