8te-14te Yanuer
YOOP 34-35
Liit 30 un kepeet | Eyerste komentaare (1 min.)
1. Wën unkerechtichkheete pasiire
(10 min.)
Eriner tich tas Yeehoowa nii unkerecht is (Yoop 34:10; Wachthorm (Puuplik) numer 1 fon 2019 sayt 8 apsats 2)
Es siit aus tas ti xlechte layt fon te xtroof aus rayse khene, awer tii khene sich net fon Yeehoowa ferxtekele (Yoop 34:21-26; Sentinela 04/17 sayt 10 apsats 5)
Ti pest aat fer se helfe layt woo unkerechtichkheet mit kemacht hon, is tii iwer Yeehoowa in lërne (Yoop 35:9, 10; Mat. 28:19, 20; Wachthorm 05/21 sayt 7 apsetse 19-20)
2. Suuch wunerliche tinge fon te Piipel
(10 min.)
Yoop 35:7 — Was wolt Elyuu saan wii eyer Yoop kefroot hot: “Was tuut [Kot] fon tich kriin?” (Sentinela 04/17 sayt 29 apsats 3)
Was fer wunerliche tinge host tuu in te Piipel leesung fon te woch kefun?
3. Piipel leesung
(4 min.) Yoop 35:1-16 (Leeser un leerer lisyoon 10)
4. Kexpreeche aan fange
(3 min.) HAUS TSU HAUS. Piit een Piipel xtuutyum aan. (Liip ti layt lisyoon 10 phunkt 3)
5. Kexpreeche aan fange
(4 min.) INFORMAAL TSAYE. Tsaych fer een persoon woo kleene khiner hot wii ti sache fer ti eltere im jw.org fine. (Liip ti layt lisyoon 1 phunkt 4)
6. Tisipele mache
Liit 58
7. Tuust tuu kërn in een informaal aat “tas wort preetiche”?
(15 min.) Reet mit etliche antworte fon te kemaynt.
Phaul hot Timoteus uf kemuut: “Tuu tas wort preetiche, mach tas oone tsayt se ferliire”. (2 Tim. 4:2) Tas kreekix wërp woo iwersetst is wii “mach tas oone tsayt se ferliire”, is als mool penutst kep fer iwer een soltaat orer een wachter in sayn xtel xpreche, woo imer fërtich waare fer se hantele. Tiise austruk tuut kuut pexraype unser muut fer imer fërtich sin fer een tsaye kepe wën mer mit te layt am fertseele sin.
Wayl mer Yeehoowa liipe un petanklich sin fer ales was eyer fer uns macht, xpiire mer uns uf kemuut fer mit te anere iwer sayn wunerliche kwaliteete xpreche.
Lees Psalm 71:8. Nochter, froo:
Was tuust tuu kërn iwer Yeehoowa mit te anere fertseele?
Unser liip tsu ti layt tuut uns aach uf muute informaal tsaye kepe.
Tsaych te WIITEO Wii hunerte layt ti piiplix woerheet kefun hon. Nochter, froo:
Wii hot te informaal tsaye mee wii 200 layt keholef ti woerheet fon te Piipel fine?
Wii hot ti woerheet tas leepe fon tiise eks mitkliiter fon een khërich keënert?
Wii tuut ti liip tsu ti layt uns uf muute informaal tsaye kepe?
Was mënst tuu, warom is te informaal tsaye een kuut aat fer ti layt helfe Yeehoowa khëne lërne?
