1. Yeehoowa oo fater im himel,

Hayt is een soo hayliche nacht!

Wii tayn folk es hot praycht,

Host tuu liipe ketsaycht,

Kerëchtichkheet, kluuchheet un macht.

Tas opfer fom Lam waar ti rëtung,

Too host tuu tayn folk fray kefiirt.

Fiile yoere tëm noo,

Yeesus Kristus sayn toot,

Profetsiie wii tii hot erfiilt.

2. Tas proot un te wayn tuun uns wayse,

Wii hooch waar te prays fer uns al!

Un tas kuute woo khomt

Fom kexënk fon tayn Soon,

Er hot mit sayn leepe petsaalt.

Un hayt aan sayn toot tuun mer tënke

Petanklich fer tayn liipe acht.

Tuu host tayn pëstes këp

Unsre leepe kerët;

Yeesus hot uns fom toot fray kemacht.

 3. Yeehoowa mer hon uns fersamelt.

Tayn inlaatung nëme mer aan.

Fer se tanke oo Hër

Këpe loop un ti eer,

Ti rëtung hon mer torch tayn Soon.

Tas Aantënke xtërkt unser klaape,

Es hëlft uns tayn liipe se siin.

Un soo keen mer im licht, tëm Lam Yeesus kans ticht,

Fer tas eewiche leepe se kriin.