1. Oo Kot, tuu siist mich un tuu khënst mich,

Wën ich wach sin or xloofe tiif un ruych.

Tuu mërkst aach klaych was tiif im hërts ich⁀xpiire,

Aach was ich tuun un was ich saan,

tuu weest kenau.

Wii nimant wust fon mayne leepe,

Sin ich kans kleen im muterlayp kewaks.

Tat host tuu xon fon aanfang aan kesiin mich.

Ich liip’ tayn wunerlich aktsioone,

tayne macht.

Sin aarich kroose wëyert tayn ketanke,

Soo fiil tas ich khan nii mools tseele tii.

Sëlepst wën ti tunkelheet mich aach fiil pang macht,

Aan tayn xtark hant, woo treest, ich hale fest.

Oo Kot, fer tich is niks ferxtëkelt,

Op tiif im meer op wayt im himel hooch.

Soo kaar im kraap khanst tuu mich wiiter fine.

Tuu lënkst mayn xrit uf tayne weech,

Woos këpt khee ën.