LIIT 55
Tëyer praycht khee pang hon!
-
1. Këp nët uf, mayn troye tiiner,
Preeticht muutich Kot sayn Raych.
Sicher rëtung khomt kans klaych
Un fiil seechne xënk ich aych.
Mayn Soon Yeesus hot te himel
Fon al xlëchtes kans pefrayt.
Palt tuut er te Taywel pine,
Tan, khomt friit un een xeen tsayt.
(REFRAN)
Praycht khee pang hon, mayne troye,
Aach wën xlimes aych noch khomt.
Ich pexitse mayne froynte;
Hale aych pis te taach khomt!
-
2. Aach wën ayre faynte xtark sin,
Xaate aych mit xlëchte pleen,
Los ich aych nii mools aleen.
Tii sin fer mich aarich kleen.
Praycht khee pang hon, mayn keliipte,
Yaa, ich këpe uf aych acht.
Ti pupiile fon mayn aue
Is mayn folk, woo mich froo macht.
(REFRAN)
Praycht khee pang hon, mayne troye,
Aach wën xlimes aych noch khomt.
Ich pexitse mayne froynte;
Hale aych pis te taach khomt!
-
3. Ich tuun aych nii mools ferkëse,
Ich sin kans uf ayre sayt.
Leept iir aach in een triip tsayt,
Wërt iir palt fon tas pefrayt.
Wole faynte aych fernichte,
Tuut iir leepe noch mool kriin.
Soo, tuut wayter troy aus hale,
Fer tas eewich leepe siin.
(REFRAN)
Praycht khee pang hon, mayne troye,
Aach wën xlimes aych noch khomt.
Ich pexitse mayne froynte;
Hale aych pis te taach khomt!
(Kuk aach Deut. 32:10; Nee. 4:14; Sal. 59:1; 83:2, 3.)
