In tiise piichelche, hon mer xon kelërnt etliche tinge woo uns helfe se wise weer Kot is. Meyer hon xon kesiin tas ti Piipel in lërnt tas sayn naame Yeehoowa is un tas sayn haupst kwaliteet ti liip is. Meyer hon aach noo kekukt was Kot xon kemacht hot un was eyer noch fer ti mënxe mache tuut. Awer meyer khene noch fiil mee iwer Kot lërne. Un fiilaycht froost tuu tich: ‘Was fer nutse tuun ich kriin wën ich mee lërne?’

Yeehoowa ferxprecht tas “wëns tuu tëm suuchst, tee lost tas tuu tëm finst”. (1 Kroonike 28:9) Wëns tuu tich aan xtrengst fer Kot khëne lërne, kriist tuu een wunerlich kexenk: een “ticht fraayntxaft mit Yeehoowa”! (Psalm 25:14) Was fer nutse kriist tuu weeche tiise fraayntxaft?

Woere frooheet. Ti Piipel saat tas Yeehoowa te “frooe Kot” is. (1 Timoteus 1:11) Wëns tuu tich tichter pay Kot xafst un sayn kwaliteete noo machst, wërst tuu wërklich froo. Un tas pringt tich nutse in fiisix, emotsyonaal un mentaal aat. (Psalm 33:12) Tuu tuust tich wech hale fon te xlechte aanxtelunge, kuute kewoonheete ëntwikele un peser mit te layt rom khome — tinge woo uns helfe frooer sin. Sicher tuust tuu mim psalmist xtime, woo kesaat hot: “Fer mich, is es kuut ticht pay Kot khome.” (Psalm 73:28)

Kot tuut tich uf phase. Yeehoowa ferxprecht fer sayn fraaynte: “Ich tuun tich aanreete kepe mit mayn aue uf tich traan kehal.” (Psalm 32:8) Tas wil saan tas Yeehoowa phast yeete eene fon sayn tiiner uf un tas eyer se kept kraat was se prayche. (Psalm 139:1, 2) Wëns tuu tayn fraayntxaft mit Yeehoowa ferxtërkst, tuust tuu raus fine tas eyer imer pay tich is.

Een wunerlich futuer. Yeehoowa helft tich net ploos yets froo wëre, awer tee macht aach te weech uf fer een wunerlich futuer. (Isayas 48:17, 18) Ti Piipel saat: “Tas petayt tas eewiche leepe: ti layt sole tich, te eensiche woere Kot, khëne lërne, un tee woos tuu kexikt host, Yeesus Kristus.” (Yoohan 17:3) In tiise xweyere tsayte, ti hofnung woo Kot uns kept, khan wii een anker sin woo uns “sicher un fest” halt. (Hepreeyer 6:19)

Tas sin ploos etliche fon te nutse woo mer kriin wën mer Kot peser khëne lërne un een ticht fraayntxaft mit tëm ëntwikele. Wëns tuu mee wise wilst, khanst tuu mit een Yeehoowa sayn Tsayer xpreche orer unser site jw.org pesuuche.