Weer is Kot?
Fiile layt saan tas se aan Kot klaape. Awer wën mer se frooe “Weer is Kot?”, kriin mer unerxiitliche antworte. Fer etliche, is Kot een krop un xtreng richter, woo ti layt ploos xtroofe wil weeche sayn xlechte aktsyoone. Fer anere, is Kot imer liiplich un wilich fer se fertsaye, ekaal was se mache. Noch anere, tenke tas Kot wayt wech is un sich net mit uns khimert. Weeche tiise unerxiitliche mënunge, fiile tenke tas es unmeechlich is se wise weer Kot wërklich is.
Is es important se wise weer Kot wërklich is? Yawool. Wëns tuu Kot peser khëne lërnst, finst tuu een opjetiiw fer tayn leepe. (Aphostele sayn Kexicht 17:26-28) Woo tichter xafst tuu tich pay Kot, woo kreeser wërt ti liip un hilef woo eyer tich xenkt. (Tyako 4:8) Un wëns tuu Kot kuut khëne lërnst, khanst tuu eewiche leepe kriin. (Yoohan 17:3)
Wii khanst tuu Kot khëne lërne? Tenk aan yemant woos tuu kuut khënst, soo wii een liipe fraaynt. Wii pist tuu sayn fraaynt kep? Tsiimlich sicher, host tuu ti persoon sayn naame kelërnt, sayn personaliteet, was se kërn hot orer net, was se xon kemacht hot, was se noch mache wil un soo wayter. Tiise kleenichkheete khëne lërne hot tayn fraayntxaft mit te persoon ferxtërkt.
Kraat soo, khene mer Kot peser khëne lërne wën mer tiise frooche antworte:
Tuu khanst ti piiplixe antworte in tiise piichelche fine. Ti artikele tuun tich helfe net ploos wise weer Kot is, awer tii tsayche aach ti nutse woos tuu kriist wëns tuu een ticht fraayntxaft mit tëm ëntwikelst.
