Liipe leeser

In tiise Wachthorm, hon mer 5 artikele woo ticht ferpunt sin:

• Te eyerst artikel xprecht iwer was Yeehoowa kemacht hot fer sayn mënxliche khiner helfe keeche ti sint khëmpfe.

• Im tsweete artikel, siin mer was een persoon mache mus fer sich peroye un wii Yeehoowa ti layt helft tas mache.

• Im trite artikel, lërne mer wii ti kemaynt in Korinto pehantele solt eene man woo een xweyer sint kemacht hot un sich net peroyt hot.

• Te fierte artikel xprecht iwer wii ti elteste helfe tii woo een xweyer sint kemacht hon.

• Im finefte artikel, lërne mer wii ti kemaynt khan wayter liip un parmhërtslichkheet tsayche fer yemant woo fon te kemaynt raus ketuun kep is.