“Un tii waare fraayntlich, net ploos mit te layt, awer aach mit mayn huntche. Een mool hot Elaine, woo neewich tëm puplikatsyoon khareche waar, phaar tosye fer mayn huntche kep. Fon tat aan, imer wën mer tat ticht kelaaft hon, wolte ti huntche pay Yeehoowa sayn Tsayer keen fer sayn tosye kriin.

“Phaar moonate sin rom kang. Ti huntche hate sayn tosye kërn; un ich hat kërn ti khortse kexpreeche woo mer hate. Awer ich wolt net tsu fiil mit tëne fertseele. Ich hat xon mee wii 70  yoore un ich waar mich net sicher aan was Yeehoowa sayn Tsayer keklaapt hon. Ich waar net mee froo mit te khëriche kewees. Tes weeche, hon ich ketenkt tas es peser waar ti Piipel aleen xtutiire.

“Torich tiise tsayt hon ich anere Yeehoowa sayn Tsayer neewich sayn puplikatsyoone khareche, too un tat in te xtat kesiin. Tii waare aach imer fraayntlich kewees. Tii hon imer ti Piipel penutst fer mayn frooche antworte un weeche tas, hon ich aan kefang mee aan tëne traue.

“Eene taach, hot Elaine mich kefroot: ‘Klaapst tuu tas ti tiere een kexenk fon Kot sin?’ ‘Yaa, kewis!’ — hon ich keantwort. Too hot Elaine Isaiias 11:6-9 fer mich kelees. Fon tat aan, wolt ich iwer ti Piipel lërne. Awer ich wolt noch net ti puplikatsyoone aan nëme.

“In te neekste taache, hon ich khortse un interesante kexpreeche mit Elaine un sayn man, Brent, kehat. Tii hon mich uf kemuut Matheus pis Aphostele sayn Kexicht leese fer se raus fine was petayt een woere krist sin. Ich hon tas kemacht un een pisye xpeeter, hon ich een Piipel xtuutyum aan kenom mit Brent un Elaine. Es waar in te mite fon 2016 kewees.

“Ich hon imer hërtslich kewaart mayn Piipel xtuutyum un ti fersamlunge im Raych Saal. Tas hot mich fiil frooheet keprung wii ich kelërnt hon was ti Piipel wërklich saat. Pisye mee wii een yoer xpeeter, hon ich mich taafe kelos. Yets, sin ich 79  yoore alt un ich sin aarich petanklich tas ich ti woer relichyoon kefun hon. Yeehoowa hot mich keholef teel fon sayn welt wayt familye mache un tas is wërklich een kroos eer!”