IN TE FILIPINAS, tswaay meet waare in te kexefte nochperxaft fon Baguio Xtat am laafe. Tii hon een puuplix tsaye khareche kemërkt, awer tii sin net ticht khom. Helen, ti xwester woo neewich tëm khareche waar, hot froyntlich tsu tëne kelacht. Ti meet sin wayter foran kelaaft, awer tii khonte net Helen sayn xeen lache ferkese.

Xpeeter, ti meet hon een onipus kehool fer hëmtsus keen. In tëm weech, hon se een Raych Saal kesiin mit een kroose jw.org xilt. Tii hon sich erinert tas se hate ti selwiche puuchxtaawe friier kesiin in tëm puuplix tsaye khareche. Ti tswaay sin fom onipus aus kextii un sin pis tëm Raych Saal kang. Tat, hon se ti xtune fon te fersamlunge kekukt, woo in tiise Raych Saal kemacht waare.

Ti tswaay meet sin in eene fon te neekste fersamlunge kang. Weer mënst tuu tas se kesiin hon wii se in tëm Raych Saal rin kang sin? Ti Helen! Tii hon sich klaych erinert tas se ti fraa mit tëm froyntlich lache waar. “Wii se neewich mich khom sin — saat Helen —, sin ich een pisye nerwees kep. Ich tacht tas fiilaycht hat ich was ferkheertes kemacht.” Awer ti meet hon Helen aus keleet was pasiirt is.

Ti meet hon ti fersamlung kërn kehat un hon sich kuut tswixich ti priiter un xwestere kefun — tii hon sich tehëm kexpiirt. Wën se kesiin hon tas ti anere waare, noo te fersamlung, te Raych Saal am sauwer mache, wolte se aach helfe. Eene fon te meet woont net mee in te Filipinas, awer ti aner hot aan kefang in te fersamlunge keen un ti Piipel xtutiire — ales weeche een lache!