Wust tuu tas?
Warom waar es kuut tas ti israeliiter khonte taupe un turtel taupe fer Yeehoowa opfere?
UNICH tas mosayxe Kesets, khonte ti israeliiter taupe un turtel taupe fer Yeehoowa opfere. In te kesetse iwer opfere, khome ti tswaay sorte feechele imer paysamer — ti israeliiter khente raus suuche eene orer ti aner opfere. (Lew. 1:14; 12:8; 14:30) Warom waar tas kuut? Een uersach is wayl es waar net imer laycht turtel taupe fine. Warom net?
Een turtel taup
In te warme moonate, khan ma turtel taupe in tëm kanse lant fon Israël fine. Awer yeetes yoer, im hërpst, fliie se tsum siit fer lënter woo wërmer sin. Tan, in friiling, khome se tsurik tsu Israël. (Liit 2:11, 12; Yee. 8:7) Tes weeche, waar es xweyer fer ti israeliiter in tëm friirixe Israël turtel taupe opfere in te moonate fom winter.
Een taup
Awer ti israeliiter khente taupe in Israël fine torich tas kanse yoer. Un ti layt hon aach taupe tehëm ketsoo. (Kuk aach Yoohan 2:14, 16.) Tas puuch Piiplixe planse un tiere, * saat: “Ti layt hon taupe tehëm ketsoo in te kanse xtete fon Palestiina. Yeete haus hat sayn taupe xtal, orer loch in te want, woo ti feechele leepe khonte.” (Kuk aach Isaiias 60:8.)
Een taup in een taupe xtal
Yeehoowa hot wii opfere aan kenom feechele woo ti israeliiter khente tas kanse yoer fine; tas tsaycht tas eyer liiplich un net xtreng is.
^ parágrafo 5 Orixinaale thitel: Bible Plants and Animals.
